खण्डः ३ - अध्यायः २००

वज्र उवाच॥
इष्टां जातिमवाप्नोति कर्मणा येन मानवः॥
तन्ममाचक्ष्व धर्मज्ञ त्वं हि सर्वविदुच्यसे ॥१॥
मार्कण्डेय उवाच॥
पौरुषेषु सदा ते वै त्रिरात्रोपोषितो नरः॥
चैत्रमासादथारभ्य कार्तिके पूजयेद्धरिम् ॥२॥
पौरुषेण च सूक्तेन ऋग्भिः पुष्पैः फलैस्तथा॥
धूपैर्दीपैस्तथान्नेन घृताहुतिभिरेव च ॥३॥
धेनुर्व्रतान्ते दातव्या कृत्वा संवत्सरं व्रतम्॥
यथेष्टां जातिमाप्नोति नात्र कार्या विचारणा ॥४॥
न केवलं जातिकरं प्रदिष्टं व्रतोत्तमं यावददीनसत्त्व॥
कामानभीष्टान्पुरुषस्य दद्यान्मोक्षं च दद्यात्पुरुषप्रधान ॥५॥
इति श्रीविष्णुधर्मोत्तरे तृतीयखण्डे मार्कण्डेयवज्रसंवादे इष्टजात्यवाप्तिव्रतवर्णनो नाम द्विशततमोऽध्यायः ॥२००॥