खण्डः ३ - अध्यायः १९७

 ॥मार्कण्डेय उवाच ॥
उपोषितश्चतुर्दश्यां पौर्णमास्यां नरोत्तमः॥
पञ्चगव्यं पिबेत्पश्चाद्धविष्याशी तथा भवेत् ॥१॥
संवत्सरं तथा कृत्वा मासपापात्प्रमुच्यते॥
तस्मात्सर्वप्रयत्नेन मासिमासि समाचरेत् ॥२॥
संवत्सरं प्राप्य नरेन्द्रलोकं तत्रोष्य राजन्सुचिरं द्विजेन्द्रः॥
मानुष्यमासाद्य नरेन्द्रपूज्यो राजा भवेद्वा द्विजपुङ्गवो वा ॥३॥
इति श्रीविष्णुधर्मोत्तरे तृतीयखण्डे मार्कण्डेयवज्रसंवादे ब्रह्मकूर्चवर्णनो नाम सप्तनवत्युत्तरशततमोऽध्यायः ॥१९७॥