TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
संस्कृत सूची|संस्कृत साहित्य|स्तोत्र भारती कण्ठहारः|
श्रीडाकोरलक्ष्मीस्तव:

श्रीडाकोरलक्ष्मीस्तव:

स्वामि श्री भारतीकृष्णतीर्थ यांनी जी देवदेवतांवी स्तुती केली आहे, अशी क्वचितच् इतरांनी कोणी केली असेल.


श्रीडाकोरलक्ष्मीस्तव: [ स्रग्विणी ]
पुष्पबाणक्रुधालोभमोहाद्यरि -
षट्कवश्यान्तरङ्गाप्यभिन्नाङ्घ्रिकाम् ।
तद्रिपुव्रातजित्प्रीतनैजाशयां
डङ्कमौनीपुराधीश्वरीं भावये ॥१॥
ब्रह्ममृत्युञ्जयाखण्डनाबीश्वरां
पित्तवाय्विन्द्रसेनादिसंसेविताम् ।
भक्तिकृज्जारठीदुर्मृताद्यार्त्तिहां
डङ्कमौनीपुराधीश्वरीं भावये ॥२॥
रङ्कधात्रीशमन्दस्वधीभूभृतो -
sप्याशु यत्पादवारिप्रभूसंस्मृते: ।
श्रीवचोधूतयक्षेशजीवा भव -
डङ्कमौनीपुराधीश्वरीं भावये ॥३॥
भूतपञ्चीक्रुतिस्वक्रियस्यापि यो
sभूद्विधाता तदीयादिशक्त्याकृतिम् ।
भूतमात्रानुकम्पाजनुर्मेदिनीं
डङ्कमौनीपुराधीश्वरीं भावये ॥४॥
नागकुम्भापहासिस्ववक्षोभवां
नागभृङ्गापहासिस्वशीर्षोद्भवाम् ।
नागराङ्वर्ण्यभिन्नापदानाङ्घ्रिकां
डङ्कमौनीपुराधीश्वरीं भावये ॥५॥
पादनीरेरुहद्वन्द्वभृङ्गाशय -
प्राग्जनु:साम्प्रतागामिपापापहाम् ।
स्वर्णदर्पापहृद्वर्णराजत्तनुं
डङ्कमौनीपुराधीश्वरीं भावये ॥६॥
अब्जभूरुड्भवद्वीपभूतोद्भव -
कुम्भभूमुख्यमौन्यालिभूभृन्नुताम् ।
अक्षरब्रह्मवित्प्राप्यतन्वाकृतिं
डङ्कमौनीपुराधीश्वरीं भावये ॥७॥
कामनात: स्वपादानतानां द्रुतं
सर्वकाम्यव्रजस्पर्शदीक्षाधराम् ।
कामहीनाशयानां च मोक्षप्रदां
डङ्कमौनीपुराधीश्वरीं भावये ॥८॥
धर्ममुख्यापवर्गान्तसर्वार्थद -
स्वीयपाण्यम्बुसञ्जातयुग्मद्वयाम् ।
भूधरश्रोणिकां भूधरोरोजनिं
डङ्कमौनीपुराधीश्वरीं भावये ॥९॥
सर्वविध्यण्डगाशेषलोकावली -
वासकृत्पाल्यमानस्वकीयाज्ञिकाम् ।
भूप्रमुख्याधिपत्वादिदाङ्घ्र्यर्चनां
डङ्कमौनीपुराधीश्वरीं भावये ॥१०॥
ईशजीवात्मविश्वादिनानाभिदा -
ज्ञानरूपासुरक्ष्मेशसंहारिणीम् ।
राजयक्ष्मादिरुग्जालहर्तृस्मृतिं
डङ्कमौनीपुराधीश्वरीं भावये ॥११॥
दुष्टसम्भीषणस्यन्दनाङ्गादियुक् -
शिष्टभीनाशकृन्मुद्रिकाधृत्कराम् ।
नैर्विकार्य्यओल्लसच्चित्तसञ्चिन्तितां
डङ्कमौनीपुराधीश्वरीं भावये ॥१२॥
विश्वसृड्विश्वसंरक्षिविश्वापहृन् -
मुख्यविश्वामरोत्तंससङ्घादृताम् ।
हृत्स्थितिस्पाष्ट्यकृदा ( च्चा ) ब्जनुर्विष्टरां
डङ्कमौनीपुराधीश्वरीं भावये ॥१३॥
चित्तशान्तीन्द्रिय [ न्त्यक्ष ] दान्त्यास्तिकीतृप्तता -
सर्वसन्त्यागसर्वक्षमाश्राणिकाम् ।
पादपद्मानतश्रान्तिनिर्मूलिनीं
डङ्कमौनीपुराधीश्वरीं भावये ॥१४॥
प्राग्वृकक्रव्यभुग्रूपमृत्युप्रदा -
न्मङ्क्षु मृत्युञ्जयं योsवति स्मादरात् ।
तन्महाशक्तिरूपामघक्षालिनीं
डङ्कमौनीपुराधीश्वरीं भावये ॥१५॥

Translation - भाषांतर
N/A

References : N/A
Last Updated : 2016-11-11T11:55:54.9130000

Comments | अभिप्राय

Comments written here will be public after appropriate moderation.
Like us on Facebook to send us a private message.

कोरांटा, कोऱ्हांटा

  • m 
  • कोरांटी,कोऱ्हांटी f  Barleria or Amaranth. 
RANDOM WORD

Did you know?

प्रदक्षिणा कशी व कोणत्या देवास किती घालावी ?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.