पाण्डुरङ्गस्तुति:

सरागजनदुर्लभं विरतिपूर्णाचित्तार्चितं
सुरावलिनमस्कृतं ज्वरमुखामयोन्मूलकम् ।
गिरा च रमया जिताम्रमहीशजीवत्वदं
कृपापरवशाशयं मनसि पाण्डुरङ्गं भजे ॥१॥
गिरीन्द्रतनयाग्रजं पदविनम्रपापापहं
करीन्द्रमुखदायकं जपमुखाशुसन्तोषितम् ।
शरीररुचिनिर्जितामृतधरं शुकादीडितं
सरीसृपधवासनं मनसि पाण्डुरङ्गं भजे ॥२॥
श्रितेप्सितततिप्रदं करधृतादिचक्रादिकं
प्रकाशितपरार्थकं निखिललोकपूगाधिपम् ।
नृपत्वमुखदायकं विधिहरेन्द्रमुख्यार्चितं
जराकुमृतिरुग्घरं मनसि पाण्डुरङ्गं भजे ॥३॥
भयघ्नवरदाञ्चितं विकृतिहीनचित्तार्चितं
शमादिगुणदायकं निहतदुष्टदैत्यव्रजम् ।
परिश्रमहरानतिं यमभयाधिविघ्वंसकं
नमद्वृजिनमर्षकं मनसि पाण्डुरङ्गं भजे ॥४॥