श्रीनारायणस्तव:

त्रिलोकजनकं मनोभवगुरुं कृपाम्भोनिधिं
नतेष्टवरदं गजप्रमुखदं कलाधीश्वरम् ।
यतीन्द्रविनुतं नमज्जनसमस्तपापापहं
पदाब्जनतवत्सलं हृदि दधामि नारायणम् ॥१॥
भुजङ्गंशयनं दिनेड्विधुदृशं रमावल्लभं
मुदम्बुधिविधुं दनूद्भवरिपुं शिवाजार्चितम् ।
निलिम्पविनुतं नतद्रविणदं नयालीप्रदं
पदाब्जनतवत्सलं हृदि दधामि नारायणम् ॥२॥
अपारकरुणं शुभप्रचयदं सुरस्त्रीडितं
मनोज्ञवपुषं सदा स्मितमुखं जयव्रातदम् ।
सरोजचरणं परात्परपरं मनूद्धारितं
पदाब्जनतवत्सलं हृदि दधामि नारायणम् ॥३॥
जपादिसुलभं यमिव्रजनुतं पयोजेक्षणं
घनच्छवितनुं मधुप्रभृतिसूदनं श्रीधवम् ।
अनन्तभवसागरप्रपतितालिपोतायितं
पदाब्जनतवत्सलं हृदि दधामि नारायणम् ॥४॥