श्रीराहुकेतुस्तव:

मनसिजमुखजिज्जनमुदितमति -
तदितरविमुखजयफणिदलयुक् ॥१॥
नतविततिजराकुमरणमुखहृत्
प्रकलितनतरां जय फणिदलयुक् ॥२॥
धनमतिविजितामरपतिगुरुता
यदनिशनतितो जय फणिदलयुक् ॥३॥
धरधवतनयापतिपदनिरत
सकरुनहृदय जय फणिदलयुक् ॥४॥
कृतनतिवृजिनव्रजशमनपटु -
गजमुखवरद जय फणिदलयुक् ॥५॥
तनुरुचिविजितामृतधररजनी
विषनिकरपते जय फणिदलयुक् ॥६॥
भवरतिशिथिलीकृतिपटुचरण
भवसुखदपद जय फणिदलयुक् ॥७॥
नतजनहृदयस्थसकलवरद
धृतिनिधिहृदय जय फणिदलयुक् ॥८॥
हृतनतजननक्षयभयमुखभी
मुदुदधिरजनीट्‍ जय फणिदलयुक् ॥९॥
अमृतपततिगग्रहणविलसत् -
नरपतिविनत जय फणिदलयुक् ॥१०॥
सुररिपुनिचयस्तुतपदवनज
ज्वरमुखशमन जय फणिदलयुक् ॥११॥
भयहर वरदोज्ज्वरकरकमल
हृतमतिविकृति [ ते ] जय फणिदलयुक् ॥१२॥
कृतहरिरथपप्रहरणसहन ।
भुजबलरुचिर जय फणिदलयुक् ॥१३॥
श्रमहृतिनिपुण स्वचरणनमन ।
यमशममुखद जय फणिदलयुक् ॥१४॥
जगदसुशमन प्रमुखजभयहृत ।
नमदघसहन जय फणिदलयुक् ॥१५॥