श्रीवरुणास्तव:

भजदामरलतिकां भवभयभञ्जननिपुणं
भुजगाम्बुदचिकुरं करहसितामृतजनुषम् ।
हृदयङमचरितं पदशरणागतशुभदं
सततं हृदि कलये झषमकरालयनृपतिम् ॥१॥
नतपातकशमनं नतविनतातनुजनुषं
कनकच्छविरुचिरं वरततिदस्मृतकणिकम् ।
कनकादिमवरदं करलसदिष्टदपिशुनं
सततं हृदि कलये हयचयनीरधिनृपतिम् ॥२॥
शरदम्बुदवसनं [ धृतशुभभूषणनिकर ]
निखिलेष्टदनमनं सुरनिकरार्चितचरणं ।
हृतसन्नतशमनं गुरुकविसेवितचरणं
सततं हृदि कलये हरिरमणीपितृजनकम् ॥३॥
विनतामरवनितं वरनिकरप्रदचरणं
भववारिधिघटजं जलधरमस्तकजनुषम् ।
कणभड्मुखनयदं [ सकलसुरासुरविनुत ]
सततं हृदि कलये भृगुमुनितल्लजननकम् ॥४॥