श्रीगिरिजागिरिशयो: स्तुति:

स्मरजितदुर्लभौ जितनिजेन्द्रियलभ्यपदौ
सुरदितिभूनतौ नतजरापमृतादिहरौ ।
नतधनवाक्पराजितधनाधिपवाग्रमणौ
त्रिभुवनसूगुरू हृदि दधे ललितागिरिशौ ॥१॥
शशिशिशुशेखरी नतकृपार्णवनैजहृदौ
गजमुखसूगुरू दुरितकाननदावशुची ।
फणिमणिभूषणौ दिनपरात्रिपजिष्णुरुची
त्रिभुवनसूगुरू हृदि दधे ललितागिरिशौ ॥२॥
परमपद्पप्रदौ घटजपूजितपादयुगौ
धृतविविधायुधौ द्रुतवितीर्णनतेष्टततो ।
विशदिततत्त्वकौ जलजबिल्वमुखार्च्यपदौ
त्रिभुवनसूगुरू हृदि दधे ललितागिरिशौ ॥३॥
निखिलजगत्पतिनृपतिताप्रदपादनती
हृतविनतामयौ निहृतभण्डपुराद्यासुरौ ।
धृतवरदाभयौ विकृतिहीनमन:सुलभौ
त्रिभुवनसूगुरू हृदि दधे ललितागिरिशौ ॥४॥
द्रुहिणरमेशशक्रमुखपूजितपादयुगौ
शमदममुख्यदौ श्रमविनाशकपत्स्मरणौ ।
यमभयसूदनौ प्रणतमन्तुसहस्वहृदौ
त्रिभुवनसूगुरू हृदि दधे ललितागिरिशौ ॥५॥