प्रभासक्षेत्र माहात्म्यम् - अध्याय ३२९

 ॥ईश्वर उवाच॥
अथोत्तरे देवकुलात्तत्र गव्यूतिमात्रतः ॥
उत्तमस्थानमिति च प्रख्यातं धरणीतले ॥१॥
तस्योत्तरे तु दिग्भागे धनुर्द्वादशकांतरे ॥
उन्नतो विघ्नराजस्तु सर्वप्रत्यूहनाशनः ॥२॥
चतुर्थ्यां पूजितः सम्यक्सुगंधैः फलमोदकैः ॥ददाति वांछितान्कामांस्त्रैलोक्ये विजयी भवेत् ॥३॥
इति श्रीस्कांदे महापुराण एकाशीतिसाहस्र्यां संहितायां सप्तमे प्रभास खण्डे प्रथमे प्रभासक्षेत्रमाहात्म्य उन्नतविनायकमाहात्म्यवर्णनंनामैकोनत्रिंशदुत्तरत्रिशततमोऽध्यायः ॥३२९॥