प्रभासक्षेत्र माहात्म्यम् - अध्याय १८९

 ॥ईश्वर उवाच॥
तस्यैव पश्चिमे भागे नातिदूरे व्यवस्थितम् ॥
चण्डिका कर्ममोटी च योगिनी कोटिसंयुता ॥
पीठत्रयं महादेवि आद्यं त्रैलोक्यवन्दितम् ॥१॥
नवम्यां तत्र संपूज्य देवीपीठं च योगिनीम् ॥
स सर्वान्प्राप्नुयात्कामान्भवेत्स्वर्गांगनाप्रियः ॥२॥
इति श्रीस्कांदे महापुराण एकाशीतिसाहस्र्यां संहितायां सप्तमे प्रभासखण्डे प्रथमे प्रभासज्ञेत्रमाहात्म्ये कर्ममोटीमाहात्म्यवर्णनंनामैकोननवत्युत्तरशततमोऽध्यायः ॥१८९॥