प्रभासक्षेत्र माहात्म्यम् - अध्याय ४४

 ॥ईश्वर उवाच॥
आदित्येशं समभ्यर्च्य पुनः सोमेश्वरं व्रजेत् ॥
तं संपूज्य विधानेन पंचांगेन विशेषतः ॥१॥
दृष्ट्वा सोमेश्वरं चैव साष्टांगं प्रणिपत्य च ॥
प्रदक्षिणादिकं कुर्यात्संपश्येच्च पुनःपुनः ॥२॥
सूर्याचन्द्रमसोर्लिंगं त्रिःकृत्वा प्रयतः शुचिः ॥
अग्नीषोमात्मकं कर्म तेन सर्वं कृतं भवेत् ॥३॥
उमादेवीं ततो गच्छेत्सोमेश्वरसमीपतः ॥
द्वितीयां तु ततो गच्छेद्दैत्यसूदनसन्निधौ ॥४॥
इति श्रीस्कांदे महापुराण एकाशीतिसाहस्र्यां संहितायां सप्तमे प्रभासखण्डे प्रथमे प्रमासक्षेत्रमाहात्म्ये सोमेश्वरमाहात्म्यवर्णनंनाम चतुश्चत्वारिंशोऽध्यायः ॥४४॥