TransLiteral Foundation
संस्कृत सूची|संस्कृत साहित्य|स्तोत्र भारती कण्ठहारः|
श्रीकमलास्तुति:

श्रीकमलास्तुति:

स्वामि श्री भारतीकृष्णतीर्थ यांनी जी देवदेवतांवी स्तुती केली आहे, अशी क्वचितच् इतरांनी कोणी केली असेल.


श्रीकमलास्तुति: [ मयूरगति: ]
नम्रानेप्सितदानविनिर्जितकल्पलताङ्घ्रिमुरोजनुरीष -
नम्रतनुं घनषट्चरणोरगकेलिविलासविडम्बिशिरोजाम् ।
आम्रकवित्वनिरूपितमाधवकामपराजयचुञ्चुकटाक्षां
कम्रनिजस्मितनिर्जितकोकरिपुं कलये कमलामनुवेलम् ॥१॥
अस्तपरास्तसमस्तनिजाङ्घ्रिसरोजनतावलिदु:खदपापां
दुस्तरसङ्कटसन्ततिभीकरसंसृतिसागरतारणनौकाम् ।
प्रस्तरकर्कशपर्वतधिक्कृदुर:स्थलवासितकोमलकायां
शस्तचरित्र्वशीकृतनैजपतिं कलये कमलां जगदम्बाम् ॥२॥
नीरभवाखिलडम्बरभञ्चनपण्डितभीतिविभेदकमुद्रा -
धारकनैजकरप्रतिपादितप दरज:कणनम्रजनेष्टाम् ।
शारदनीरदतुल्यमहार्हपटावृतभर्मविहासिशरीरां
क्षीरपयोनिधिसम्भवनैजतनुं कलये कमलां हरिकान्ताम् ॥३॥
आजसमुद्भवनक्षितिपाथसिजातजनु:स्थलनाभाभिकाम्यां
गोजमुखासुरसूदनसोदरमुख्यसुरव्रजमस्तकनम्याम् ।
नैजपदाम्बुजयुग्मसमाश्रितवत्सलतादिविभूषण रम्यां
राजतभूमिधरेशमुखेप्सितदां कलये कमलां गुणसौभाम् ॥४॥
कृच्छ्रतरापदिकालसमागतम्रुत्युभवान्तिमसाध्वसमारा -
कृष्टनिजाङ्घ्रिपरागकणार्चकपाशनिकृन्तनचुञ्चुक्रुपार्द्राम् ।
कृष्णमनोहरमञ्जुलसुन्दरताञ्चितदिव्यकलेवरबुद्धिं
कृत्तसमस्तभवपदबन्धततिं कलये कमलां जगदम्बाम् ॥५॥
वीननिजासनधिष्ठितनैजकनत्कनकाभतनूज्ज्वलकान्तिं
दीनजनावनपावननैजपदाम्बुजनु:शरणागतपालाम् ।
शौनकनारदमुख्यमहामुनिसन्ततिसन्ततचिन्तितमूर्त्तिं
मेनसहोदरनैजतनुं सततं कलये कमलां जगदम्बाम् ॥६॥
मारनिषूदननाराकीरमुखाखिलभागवतोत्तमगीतां
घोरभवाम्बुधिपारदपारदसन्निभशुभ्रतनुस्मृतिलेशाम् ।
नीरदनीलकचाञ्चितहीरमुखोज्ज्वलहेममयाढ्यकिरीटां
क्षीरपयोनिधिसम्भवनैजतनुं कलये कमलां हरिकान्ताम् ॥७॥
पीननिरन्तरतुङ्गनिजस्तनघृष्ट्यपनीतमहाहरिवक्ष: -
स्थानगदानवपातितपर्वतपादपवाणमुखोद्भवपीडाम् ।
यानपदस्थितिभाग्यलसिद्विनतात्मजनुर्विनताङ्घ्रिपयोजां
मेनसहोदरनैजतनुं सततं कलये कमलां जगदम्बाम् ॥८॥
वारुणसद्मसमुद्भवविष्णुमनोहरवर्ष्मजनु:सुमवाणा
चारुसुगानुयुतं हरिचित्तविनोदकृते नखवादितवीणाम् ।
मारुतभोजिमहीशफणामणिरूषितदोप्तितनुं वरशोणा -
म्भोरुहजिष्णुपदां कलये कमलां शुभदां पदपद्यपराणाम् ॥९॥

Translation - भाषांतर
N/A

References : N/A
Last Updated : 2016-11-11T11:55:46.8800000

Comments | अभिप्राय

Comments written here will be public after appropriate moderation.
Like us on Facebook to send us a private message.

एका गांडिक दोन सूळ नात

  • (गो.) चांगल्याप्रमाणें वाईटसुद्धां एखादे वेळी भोगणें अवश्य आहे, अशा समजूतीनें माणूस स्वतःचा धिम्मेपणा वरील म्हणीने व्यक्त करतो. बिकट परिस्थितीला समाधानानें तोंड देणें चांगले. 
RANDOM WORD

Did you know?

जीवनात वयाच्या कोणत्या वर्षी कोणती शांती करावी?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.