विवाहमंगलाष्टकम्

॥ श्री ॥ अविरलमदधाराधौत्रकुंभ: शरण्य: फ़णिवर वृतगात्र: सिद्धिसाध्यादिवंद्य: ॥ त्रिभुवनजनविघ्नध्वांतविध्वंसदक्षो वितरतु गजवक्त्र: संततं मंगलं व: ॥१॥ विघ्नेश नो विघ्नब्विदूरकारी निर्विघ्नकार्येसकलार्थसिद्धि: ॥ विघ्नेश्वरो विघ्ननरेशपूज्यो वधूवराभ्यां शुभमाददातु ॥२॥ यन्मंगलंत्रिदशमौलि किरीटरत्नं चंद्रप्रभापटल धौतपदांबुजस्य ॥ गौरीविवाहसमये शशिशेखरस्य तन्मंगलं भवतु वो विजयाय नित्यम् ॥३॥ आदौ पूजनतुष्टिदो गणपति: श्रीशारदासंयुत: ॥ पुण्याहोक्तविधान पूजितसुरा या मातृकाश्चाखिला: ॥ या नांदीमुखदेवता विधिनुता या मंडपेष्वर्चिता ॥ वैवाहोत्सव सावधानसमये कुर्यु: सदा मंगलम् ॥४॥ लक्ष्मीर्यस्य परिग्रह: कमलभू: सूनुर्गरुत्मांस्तथा ॥ पत्र चंद्रबिभीषणौ सुरगुरु: शेषस्तु शय्यासन: ॥ ब्रह्मांडं वरमंदिरं सुरगणा यस्य: प्रभो: सेवका: ॥ सत्रैलोक्यकुटुंबपालनपर: कुर्यात्सदा मंगलम् ॥५॥ आदित्यप्रमुखाश्च ये दिविचरास्तारागणैश्चंद्रमा: ॥ मेषाद्याअपि राशयो गणपति ब्रह्मेशलक्ष्मीधरा: ॥ गौर्याद्याखिलमातरोष्टवसव: शक्रश्चसप्तर्षयस्तेरक्षंतु युवां सदैव सगणा: कुर्यु:सदा मंगलम् ॥६॥ श्रीशंभु: कुशलं करोतु भवतां धाता प्रजानां सुखं ॥ दुर्गारुनाशं मुदा ॥ गंगां ते खलु पापहा निशिदिनं कुर्यात्सदा मंगलं ॥७॥ यावच्छंकर मौलिगा सुरनदी गौरीतदर्धांगगा ॥ यावत्प्रेमवती पयोब्धितनया यावत् दिनेश: शशी ॥ यावद्वेदपुराणशास्त्रमहिमा यावच्च विष्णुस्थिति: ॥ तावत्वं धनधान्यसंततियुतो कुर्यात्सदा मंगलम् ॥८॥ वधू वरयो: शुभं भवतु सावधान् ॥ इष्टदेवताकुलदेवताग्रामदेवताचिंतन सुमूहूर्तसावधान् ॥ लक्ष्मीनारायणचिंतनसुलग्नसावधान् ॥ ब्रह्मसावित्रीचितनसुलग्नसावधान् ॥ उमामहेश्वरचिंतनसुलग्नसावधान् ॥ जयघंटा शुद्धप्रमाणसुलग्नसावधान् ॥ अंत:पटदृढअसिजेसावधान् ॥ सुलग्नसावधान् ॥ सावधान् ॥ सावधान् ॥ तदेवलग्नंसु० ॥ इत्यादिसुमंगलपद्यानिपठेयु: ॥     ॥