अथ जातकर्म संस्कार:

॥ श्री: ॥ जातमात्रेपुत्रेपितातस्यमुखंनिरीक्ष्यनद्यादावुदङमुख:स्नात्वाचम्यसितचंदनमाल्यादिभिरलंकृतोनालच्छेदनात्पूर्वं सूतिकादिव्यतिरिक्तैरस्पृष्टमकृतस्ननपानंप्रक्षालितमलं कुमारंमातुरुत्संगेप्राङमुखमवस्थाप्य देशकालौस्मृत्वा ममास्यकुमारस्य गर्भांबुपानजनितसकलदोषनिबर्हणायुर्मेधाभिवृद्धिबीजगर्भसमुद्भवैनोनिबर्हणद्वाराश्रीपरमेश्वरप्रीत्यर्थं जातकर्मसंस्कारंकरिष्ये ॥ तदंगंगणपतिपूजनपूर्वकंस्वस्तिपुण्याहवाचनंमातृकापूजनंनांदीश्राद्धंचकरिष्ये इतिसंकल्प्य तानिकृत्वा ॥
ततोविषममानेनमधुसर्पिषीमिश्रीकृत्यशिलातलेनिक्षिप्य तत्रसुवर्णंरजोविमोकंयावदवघृष्यरजतकांस्यादिभाजनेनिधाय ॥ प्रतेददामीतिहिरण्यगर्भ:सवितात्रिष्टुप् ॥ कुमारेण मधुसर्पि:प्राशनेवि० ॥ ॐप्रतेददामिमधुनोघृतस्यवेदंसवित्राप्रसूतंमघोनां ॥ आयुष्मान्गुप्तोदेवताभि:शतंजीवशरढोकेअस्मिन् ॥ इतिमंत्रेणतेनैव हिरण्येनकुमारंपाययित्वा तद्धिरण्यंप्रक्षाल्य कुमारस्य दक्षिणकर्णेनिधायतन्मुखसमीपे स्वमुखमानीय ॥ मेधांतइतिमंत्रस्यहिरण्यगर्भ:सवितासरस्वत्यश्विनावनुष्टुप् ॥ कुमारदक्षिणकर्णेजपेविनियोग: ॥ ॐ मेधांतेदेव: सवितामेधांदेवीसरस्वती ॥ मेधांतेअश्विनौदेवावाधत्तांपुष्करस्रजौ ॥ इत्यृचंजपित्वा ॥ पुनस्तद्धिरण्यंसव्येकर्णेनिधायैतामेवऋचंजपेत् ॥
तत: ॥ ॐ अश्माभवपरशुर्भवहिरण्य़मस्तृतंभव ॥ वेदोवैपुत्ननामासिसजीवशरद:शतं ॥ इतिमंत्रेणशिशोरंसौयुगपदभिमृशेत् ॥ इंद्रश्रेष्ठानिगृत्समदइंद्रस्त्रिष्टुप् ॥ शिशोरंसाभिमर्शनेविनियोग: ॥ ॐ इंद्रश्रेष्ठानि० ॥ अस्मेप्रयंधिविश्वामित्रइंद्रस्त्रिष्टुप् ॥ विनियोग:प्राग्वत् ॥ ॐ अस्मेप्रयंधिमघवन्नृजीषिन्निंद्ररायोविश्ववारस्यभूरे: ॥ अस्मेशतंशरदोजीवसेधाअस्मे वीराञ्छश्वतइंद्रशिप्रिन् ॥ इतिमंत्रत्रयांतेअभिमर्श: ॥
ततोरक्षायुषोरभिवृद्ध्यर्थं ॥ ॐ अगादंगात्संभवसिहृदयादधिजायसे ॥ आत्मावैपुत्रनामासिसजीवशरद:शतं ॥ इति मंत्रमुच्चार्यमूर्धानंत्रिराजिघ्रेत् ॥ तत:शिशो:करिष्यमाणंनामतदैवस्मरेत् ॥ मातुर्दक्षिणस्तनप्रक्षाल्य ॥ ॐ इमांकुमारोजरांधयतुदीर्घमायु: प्रजीवसे ॥ अस्यैस्तनौप्रयुंजानाआयुर्वर्चोयशोबलं ॥ इतिमंत्रेणमात्राकुमारंपाययित्वा ब्राह्मणेभ्योदक्षिणांदत्वाआशिषोगृह्णीयात् ॥
होमकरणपक्षेप्रबलनामानमग्निंप्रतिष्ठाप्य जातकर्महोमेदेवतापरिग्रहार्थ इत्यादिचक्षुषीआज्येनेत्यंतमुक्त्वा अग्निमिंद्रंप्रजापतिंविश्वान्देवान्ब्राह्माणमाज्येन शेषेणस्विष्टकृतमित्यादिसद्योयक्ष्यइत्यंतमुक्त्वाज्यंहुत्वा मधुसर्पि: पायनादिशिशुनामस्मरणांतंकृत्वा होमशेषंसमाप्यस्तन्यंदद्यात् ॥
तमर्वंतमितिपंचभिराशीर्वाद: ॥ तमर्वंतमितिपंचानां वामदेवोग्निर्गायत्री ॥ ॐ ॥ तमर्वंतंनसानसि मरुषंनदिव:शिशुं ॥ मर्मृज्यंतेदिवेदिवे ॥ बोधद्यन्माहरिभ्यां कुमार: साहदेव्य: ॥ अच्छानहूतउदरे ॥ उतत्यायजताहरीकुमारात्साहदेव्यात् ॥ पयतासद्याअददे ॥ एतवांदेवावश्विनाकुमार: साहदेव्य: ॥ दीर्घायुरस्तुसोमक: ॥ तंयुवंदेवावश्विनाकुमारंसाहदेव्यं ॥ दीर्घायुषं कृणोतन ॥ इति जातकर्मसंस्कार: ॥