अथ विवाहसंस्कारनिर्णय:

विवाहोद्देश: - ऋग्नेद अ. ८।३।२८ - वीरसूर्देवकामास्योना० ॥ इमांत्वमिंद्रमीढ्व: सुपुत्रां सुभगां कृणु ॥ भाष्ये - वीरसू: पुत्राणामेव प्रसवित्री भव ॥ हे इंद्र वधूं सुपुत्रां शोभनपुत्रा सुभगांच कृणु कुरु ॥ ऋग्वेद अ. ६।८।१९ प्रजाभिरग्ने अमृतत्वमश्यां ॥ भाष्ये हे अग्ने प्रजाभिस्त्वद्दत्ताभि: अमृतत्वं संतत्यविच्छेदं अविनाशित्वं अश्यां प्राप्नुयां । श्रीमद्भगवत दशमस्कंधे - लोकेव्यवायामिषमद्यसेवा० ॥ मनुस्मृतिभाष्ये - विवाहेन भार्या भवतीति ॥ विवाहनं दारकर्म पाणिग्रहणमिति ॥     ॥     ॥     ॥     ॥     ॥
विवाहभेदा: - मनु - ब्रह्मो दैवस्तथाचार्ष: प्राजापत्यस्तथासुर: ॥ गांधर्वो राक्षसश्चैव पैशाचस्त्वष्टमो मत: ॥ नारायणवृत्तिकार: - पूर्वेषु चतुर्षु पूर्व: पूर्व: प्राशस्त: ॥ उत्तरेषूत्तरोत्तर: पापीयान् ॥
विवाहफ़लानि: - संस्कारभास्करे - ब्राह्मादिषुविवाहेषु चतुर्ष्वेवानुपूर्वश: ॥ ब्र्ह्मवर्चसिन: पुत्रा जायंते शिष्टसंमता: ॥ इतरेष्ववशिष्टेषु नृशंसानृतवादिन: जायंते दुर्विवाहेषु ब्र्ह्मधर्मद्विष: सुता: ॥
वधूलक्षणानि: - मनु:- अविप्लुतब्रह्मचर्यो लक्षण्यां स्त्रियमुद्वहेत् ॥ असपिंडाच या मातुरसगोत्रा च या पितु: ॥ सा प्रशस्ता द्विजातीनां दारकर्मणि मैथुने ॥ नोद्वहेत् कपिलां कन्यां नाधिकांगीं न रोहिणीं ॥ नालोमिकां नातिलोमां न वाचाटां निपिंगलां ॥ अव्यंगांगीं सौम्यनाम्नीं हंसवारणगामिनीं ॥ तनुलोमकेशदशनां मृद्वंगीमुद्वहेत् स्त्रियं ॥
वरलक्षणानि: - स्मृति - कुलं च शीलं च वपुर्वयश्च विद्यां च वित्तं च सनाथतां च ॥ एतान् गुणान् सप्त परीक्ष्य देया कन्या बुधै: शेषमचिंतनीयम् ॥ दशदोष: - महांत्यपि समृद्धानि गोजाविधनधान्यत: ॥ स्त्रीसंबंधे दशेमानि कुलानि परिवर्जयेत् ॥ हीनजातीय पाखंड सुजनोद्वेगकारिणम् ॥ छद्मामय सदवाच्यश्वित्रिकुष्ठिकुलानिच ॥ यस्यास्तु न भवेद्भ्राता न च विज्ञायते पिता ॥ नोपयच्छेत्तुतांप्राज्ञ: पुत्रिकाsधर्मशंकया ॥
ज्योति:शास्त्रोक्त विचार: - जन्मस्थंच विलोक्य बाल्यविधवयोगं विधाप्य व्रतं सावित्र्य उतपैप्पलंहि सुतया दद्यादिमां वा रह: ॥ सल्लग्नेच्युत मूर्तिपिप्पलघटै: कृत्वा विवाहं स्फ़ुटम् ॥ दद्यात्तांचिरंजीविनेsत्र न भवेद्दोष: पूनर्भूर्भव: ॥     ॥     ॥     ॥     ॥    
॥     ॥     ॥     
सूत्रोक्तवधूलक्षण परीक्षा: - आश्वलायन गृह्यसूत्रम् - दुर्ज्ञेयानि लक्षणानीति अष्टौपिंडान् कृत्वा ॥ ऋतमग्ने० गृहाणेति ॥ क्षेत्राचेदुभयत: सस्या द्र्टह्णीयादूभवत्यस्मा: प्रजाभविष्यतीति विद्याद्गोष्ठात् पशुमती वेदिपुरीषाद्ब्रह्मवर्चस्विन्यविदासिनो हृदात् सर्वसंपन्ना देवनात्कितवी चतुष्पथा दूविप्रव्राजिनीरिणादधना श्मशानात्पतिघ्नी ॥
विरुद्धसंबंध: - स्मृति: - मातु:सपत्न्याभगिनीं तत्सुतांचविवर्जयेत् ॥ पितृव्यपत्नीभगिनीं तत्सुतांच विवर्जयेत् ॥ केचिज्ज्येष्ठभ्राता पितु:सम इत्युके ज्येष्ठभ्रातृपत्न्या भगिनी ॥ मातुष्वसृतुल्यत्वात् नविवाह्येत्याहु: ॥
विवाहवयोमर्यादा: - सुश्रुत - पंचविंशे ततोवर्षे पुमानारीतु षोडशे ॥ समत्वागत्यवीर्यौ तौ जानीयात्कुशकोभिषक् ॥ गोभिलगृह्यसूत्रे - अनग्निकातु श्रेष्ठा ॥ प्र. ४ सू. ६०
भिन्नशाखीय विवाह: - स्मृति:- उद्वहेत्तु द्विजो भार्यां सवर्णां लक्षणैर्युताम् ॥ अव्यंगांगीं सौम्यनाम्नीं मृद्वंगींच मनोहराम् ॥
विवाहमुहूर्त - विचार: - आ. गृ. सू. १ ॥ उदगयन आपूर्यमाणेपक्षे कल्याणे नक्षत्रे चौलकर्मोपनयनगोदानविवाहा: ॥ सार्वकालमेकेविवाहम् ॥ मुहूर्तमाला - हेतुर्धर्मार्थकामानां भार्या सच्छीलशालिनी ॥ विवाहकाल शुद्धया तच्छीलं तस्मादूब्रवीमि ते ॥
गुवर्कबलं: - ज्योतिर्निबंधेगर्ग: ॥ स्त्रीणांगुरुबलंश्रेष्ठंपुरुषाणांरवेर्बलम् ॥ तयोश्चंद्रबलश्रेष्ठंमितिगर्गेणभाषितम् ॥ जन्मत्रिदशमारिस्थ: पूजयाशुभदोगुरु: ॥ विवाहेsथ चतुर्थाष्टद्वादशस्थो मृतिप्रद: ॥
कन्यादानाधिकारिण: - ॥ यज्ञवक्ल्य: ॥ पितापितामहोभ्रतापितृव्यो गोत्रिणोगुरु: मातामहोमातुलोवाजननीबांधवा:क्रमात् ॥ कन्याप्रद:पूर्वनाशे प्रकृतिस्थ पर:पर: ॥ प्रकृतिस्थउन्मादादिदोषहीन: ॥
ज्येष्ठविचार: - ॥ रत्नकोशे ॥ जन्मनक्षत्रेजन्मदिवसेजन्ममासेशुभंत्यजेत् ॥ ज्येष्ठेमास्याद्यगर्भस्यशुभंवर्ज्यंस्त्रियाअपि ॥ पराशर: ॥ अज्येष्ठा कन्यका यत्र ज्येष्ठपुत्रोवरोयदि ॥ व्यत्ययोवातयोस्तस्त्रज्येष्ठमास:शुभप्रद: ॥
प्रतिकूलविचार: - शौनक:- पितापितामहश्चैवतामाचैवपितामही ॥ पितृव्य: स्त्रीसुतभ्राताभगिनीचाविवाहिता ॥ एभिरत्रविपन्नैश्चप्रतिकूलंबुधै: स्मृतं ॥ संकटेसमनुप्राप्ते याज्ञवल्क्येनयोगिना ॥ शांतिरुक्तागणेशस्य कृत्वातांशुभमाचरेत् ॥ मेधातिथि: - पुरुषत्रयपर्यंते प्रतिकूलंस्वगोत्रिणां ॥ प्रवेशान्निगमस्तद्वत्तथामंडनमुंडने ॥
एकोदरविचार: - ज्योतिर्निबंधे मनु: - एकमातृजयोरेकवत्सरेपुरुषस्त्रियो:न समानक्रियांकुर्यान्मातृभेदे विधीयते ॥ एतेन एकस्यपुंसो विवाहद्वयमेक दिनेनिषिद्धंमातृभेदाभावात् ॥ नारद: - पुत्रोद्वाहात्परंपुत्रीविवाहोनऋतुत्रये ॥ न तयोर्व्रतमुद्वाहान्मंडनादपिमुंडानं ॥ सारावल्याम् - फ़ाल्गुनेचैत्रमासेतुपुत्रोद्वाहोपनायने ॥ भेदाद्वर्षस्यकुर्वीतनर्तुत्रयाविलंबनं ॥ मदनरत्ने वसिष्ठ :- द्विशोभनंत्वेकगृहेपिनेष्टं शुभंतुपश्चान्नवभिर्दिनैस्तु ॥ आवश्यकंशोभनमुत्सवोवा द्वारेsथवाचार्यविभेदतोवा ॥ एकोदरप्रसूतानां नाग्निकार्यत्रयंभवेत् ॥ भिन्नोदरप्रसूतानां नेति शातातपोsव्रवेत् ॥ ज्योतिर्निबंधेकात्यायन:- अभिन्नवत्सरेपिस्यात्तदहस्तत्रभेदयेत् अभेदेतुनिनाश:स्या न्नकुर्यादेकमंडपे ॥ ज्योतिर्निंबंधे नारद: - प्रत्युद्वाहो नैवकार्यो नैकस्मैदुहितृद्वयं ॥ नचिक जन्ययो: पुंसोरेकजन्ये तुकन्यके ॥ नैवंकदाचिदुद्वाहो नैकदामुंडनद्वयं ॥ नैकजन्येतुकन्येद्वे पुत्रायोरेकजन्ययो: ॥ नपुत्रीद्वयमेकस्मै प्रदद्यात्तुकदाचन ॥ इति ॥
कन्याविक्रयदोषविचार: - य: कन्यापालनंकृत्वा करोति विक्रयंयदि ॥ विपदा धनलोभेन कुंभीपाकं सगच्छति ॥ कन्यामूत्रंपुरीषंच तत्रभक्षति पातकी ॥ कृमिभिर्दंशित: काकैर्यावदिन्द्राश्चतुर्दश ॥ तदंते व्याधितो भूत्वा लभेज्जन्म सुनिश्चितम् ॥ विक्रीणाति मांसभारं वहत्येव दिवानिशम् ॥
कन्यादानप्रशंसा: - संवर्त: ॥ अलंकृत्यतुय: कन्यांभूषणाच्छादनादिभि: ॥ दत्वास्वर्गमवाप्नोतिपूज्यतेवासवादिभि: ॥ वृकुदश्चाश्वमेधीचप्रानदानाभयेषुच ॥ समंयातिरथायेषां त्रयोवैनात्रसंशय: ॥ सालंकारकन्यादाता वृकुद: ॥ वन्हिपुराणे ॥ श्रुत्वा कन्याप्रदानं च पितर: सपितामहा: विमुक्ता: सर्वपापभ्योब्रह्मलोकं व्रजंति ते ॥
सगोत्रादिविवाहेप्रायश्चित्तं: - स्मृत्यर्थसारे ॥ इत्त्थंसगोत्रसंबंधविवाहविषये स्थिते यदि कश्चिचज्ज्ञानतस्तांकन्यामूढ्वोपगच्छति गुरुतल्पव्रताच्छुद्धयेत् ॥
विवाहमधेस्त्रियासहभोजनं - ॥ हेमाद्रौप्रायश्चित्तकांडे गालव: ॥ एकयानसमारोह एकपात्रेचभोजनम् ॥ विवाहेपथियात्रायां कृत्वा विप्रो न दोषभाक् ॥
कन्यागृहेभोजननिषेध: - ॥ मदनरत्नेभविष्ये ॥ अप्रजायां तु कन्यायां न भुंजीत कदाचन ॥ दौहित्रस्य मुखं दृष्ट्वा किमर्थमनुशोचति ॥
विवाहेजननाशौचविचार: - ॥ ब्रह्मपुराणेउक्तं ॥ व्रतयज्ञविवाहेषुश्राद्धे होमेर्चनेजपे ॥ आरब्धेसूतकंनस्यादनारब्धेतुसूतकम् ॥ इतिविष्णुवचनाच्च प्रारंभस्तेनैवोक्त: - प्रारंभोवरणंयज्ञेसंकल्पोव्रतसत्रयो: ॥ नांदीमुखंविवाहादौ श्राद्धेपाकपरिक्रिया इति ॥ वरणमितिमधुपर्कपरं गृहीतमधुपर्कस्ययजमानाच्च ऋत्विज: ॥ पश्चादशौचेपतितेनभवेदितिनिश्चय: ॥ अत्रप्रायश्चित्तमाह मदनपरिजातविष्णु: ॥ अनारब्घेविशुद्धयथैकूष्मांडैर्जुहुयात्घृतम् ॥ गां दत्वा पंचगव्याशी तत: शुद्धयति सूतकी ॥ चूडोपनयनोद्वाहप्रतिष्ठादिकमाचरेत् ॥ यदैवसूतकप्राप्तिस्तदैवाभ्युदयक्रिया ॥