अथ संस्कारक्रम:

॥ श्रीमन्मंगलमूर्तयेपरब्रह्मणेनम: ॥

गर्भाधानं पुंसवनं सीमंतोन्नयनं तथा ॥ जातकं नामसंस्कारो निष्क्रमश्चानाभोजनं ॥ चौलकर्मोपनयनं वेदव्रतचतुष्टयं ॥ केशांतस्नान - मुद्वाह: संस्कारा: षोडश स्मृता: ॥ कैश्चित् अष्टचत्वारिंशत् कैश्चित् पंचविंशतिसंस्कारा उक्तास्तथापि ग्रंथविस्तारभयादत्र नोक्ता: ॥ अत्रानवलोभन - सूर्यावलोकन - उपवेशनाद्योपि संस्कारा वक्ष्यंते । अत्र गर्भाधानाद्या उपनयनांता एव सर्वेषां नियता न तु स्नानाद्यास्तेन ब्रह्मचर्यादेव प्रव्रजेदित्यादि न विरुध्यते ॥