अथ गृहप्रवेशनीयहोम:

॥ श्री: ॥ अयं स्वगृहेगत्वैवकर्तव्य: ॥ शिष्टास्तुश्वशुरगृहएवकुर्वंति ॥ अत्रयथाचारं व्यवस्था ॥ स्वगृहेश्वशुरगृहेवा वर: देशकालौसंकीर्त्य मम विवाहाग्नेर्गृह्यत्वसिद्धिद्वायाश्रीपरमेश्वरप्रीत्यर्थं गृहप्रवेशनीयहोमं करिष्ये इतिसंकल्प्य ॥ स्थंडिलकरणाद्यग्निप्रतिष्ठांतंकृत्वा श्वशुरगृहेविवाहहोमानंतरमेवैतत्करणे तुअग्ने:स्थापितत्वात्संकल्पमात्रंकृत्वा ॥ प्रत्यगग्ने:स्वदक्षिणदेशेप्राग्ग्रीवमुपरिलोमकमानडुहंचर्मास्तीर्य तस्मिन्वधूमुपवेश्यतयान्वारब्ध: क्रियमाणेगृहप्रवेशनीयहोमेदेवतापरिग्रहार्थमित्यादिचक्षुषीआज्येनेत्यंतमुक्त्वा ॥ सूर्यासावित्रींचतुर्वारमाज्येन शेषेणस्विष्टकृतमित्यादिपत्न्यान्वारब्धआज्यभागांतंकृत्वा ॥ आन:प्रजामितिचतसृणांसूर्यासावित्री सूर्यासावित्री ॥ आद्याजगतीद्वितीयात्रिष्टुप् अंत्येद्वेअनुष्टुभौ ॥ गृहप्रवेशनीयप्रधानाज्यहोमेवि० ॥ ॐ आन:प्रजां जनयतुप्रजापतिराजरसायसमनक्त्वर्यमा ॥ अदुर्मंगली:पतिलोकमाविश शन्नोभवद्विपदेशंचरुष्पदेस्वाहा ॥४४॥ सर्वत्र सूर्यासावित्र्याइदं नमम ॥ ॐ अघोरचक्षुरपतिघ्न्येधिशिवापशुभ्य: सुमना:सुवर्चा: ॥ वीरसूर्देवकामास्योनाशंनोभवद्विपदेशंचतुष्पदेस्वाहा ॥४५॥ सूर्यासावि० ॥ ॐ इमांत्वमिन्द्रमीढ्व: सुपुत्रांसुभगां कृणु ॥ दशास्यांपुत्रानाधेहिपतिमेकादशंकृधिस्वाहा ॥४६॥ सूर्यासावि० ॥ ॐ सम्राज्ञीश्वशुरेभवसम्राज्ञीश्वश्र्‍चांभव ॥ ननांदरिसम्राज्ञी सम्राज्ञी अधिदेवृषुस्वाहा ॥४७॥ सूर्या० इतिचतस्रआज्याहुतीर्हुत्वा ॥
समंजन्त्वित्यस्यसूर्यासावित्रीसूर्यासावित्र्यनुष्टुप् ॥ आज्यशेषेण हृदयांजनेविनियोग: ॥ॐ समंजंतुविश्वेदेवा;समापोहृदयानिनौ ॥ संमातरिश्वासंधातासमुदेष्ट्रीदधातुनौ ॥४८॥ इतिहुतशिष्टाज्येनस्वस्यपत्न्याश्च हृदयांजनं कार्यम् ॥ ततोहस्तंप्रक्षाल्य स्विष्टकृदादिहोमशेषंसमाप्य पतिपुत्रवतीभि: कृतनीराजनौ दंपती द्विजाशिषो गृहीत्वा मुदितौ तिष्ठेताम् ॥
गृहप्रवेशनीयहोमोत्तरं त्रिरात्रं वधूवरौ ब्रह्मचारिणावलंकुर्वाणावध: शायिनावक्षारालवणाशिनौ तिष्ठेताम् ॥