एकपाद विपरीत दंडासन १ **

(चित्र क्र. ५२१)
एकपाद म्हणजे एक पाय. विपरीत म्हणजे उलटे किंवा उफराटे. दंड म्हणजे काठी किंवा दांडके (अधिकार अथवा शासन यांचे प्रतीक) किंवा शरीर. हे आसन म्हणजे द्विपाद विपरीत दंडासनाचा (चित्र क्र.५१६) पुढला टप्पा आहे.

पध्दती
१. द्विपाद विपरीत दंडासन करा. (चित्र क्र.५१६)
२. श्वास सोडून डावा पाय काटकोनात वर उचला. त्याच वेळी उजवा पाय विपरीत दंडासनात (चित्र क्र. ५२१) जमिनीवर ठेवा.
३. नेहमीप्रमाणे श्वसन करीत या स्थितीत १० सेकंद राहा.
४. डावा पाय खाली आणून विपरीत दंडासनात या. मग श्वास सोडून उजवा पाय विपरीत दंडासनात (चित्र क्र. ५२१) जमिनीवर ठेवा.
३. नेहमीप्रमाणे श्वसन करीत या स्थितीत १० सेकंद राहा.
४. डावा पाय खाली आणून विपरीत दंडासनात या. मग श्वास सोडून उजवा पाय काटकोनात वर नेऊन हे आसन आधीच्या इतका वेळ करा.
५. पुन्हा विपरीत दंडासनात येऊन जमिनीवर विसावा घ्या.
६. प्रगत अभ्यासकांनी वाटल्यास दोन्ही पाय वर नेऊन सालंब शीर्षासन १ (चित्र क्र. १९०) करावे, मग ते जमिनीवर आणून विसावा घ्यावा किंवा ऊर्ध्व धनुरासन (चित्र क्र.४८६) करुन ताडासनात उभे राहावे (चित्र क्र.१) किंवा विपरीत चक्रासनात जावे (चित्र क्र. ४८८ ते ४९९).

परिणाम
या आसनामुळे कणा सुधारतो व छाती पूर्ण फुगवली जाते. त्याबरोबरच शीर्षासनाचेही (चित्र क्र.१९०) लाभ मिळतात. ह्या आल्हाददायक आसनामुळे मनालाही शांतता मिळते.