पार्श्वधनुरासन *

(चित्र क्र. ६४ व ६५)
पार्श्व म्हणजे बाजू किंवा कूस. धनुरासनाचा हा प्रकार एका कुशीवर निजून करावयाचा असतो.

पध्दती
१. धनुरासन करा. (चित्र क्र. ६३)
२. श्वास सोडा. उजव्या कुशीवर वळा आणि पाय व छाती यांना ताण द्या.
३. श्वास घ्या. आणि क्र. १ च्या स्थितीत या. मग श्वास सोडा आणि डाव्या कुशीवर वळा. (चित्र क्र. ६५)
४. नेहमीप्रमाणे श्वसन करीत तुमच्या क्षमतेनुसार दोन्ही कुशींवर सारखाच वेळ राहा. श्वास घ्या. धनुरासनात या. पाय मोकळे करा आणि विसावा घ्या.
५. हा प्रकार या आसनाच्या मूळ प्रकारापेक्षा अधिक मेहनतीचा आहे. त्यामुळे हे आसन करताना हातांच्या पकडीतून घोटे निसटण्याचा संभव असतो. तेव्हा घोटयांवरील पकड घट्ट ठेवावी.

परिणाम
दोन्ही कुशीवर वळल्यामुळे पोटाचे स्नायू जमिनीवर दाबले जातात आणि त्यांना आपोआप मालीश होते.