मालासन २ *

(चित्र क्र. ३२२)
१. पाय एकत्र ठेवून ढुंगणावर बसा. चवडे आणि टाचा जमिनीवर पूर्णपणे टेकलेल्या असाव्यात. जमिनीवरुन ढुंगण वर उचला आणि तोल सावरा. (चित्र क्र. ३१७)
२. मांडया आणि गुडघे फाकवा आणि बगला गुडघ्यांच्या पलीकडे जातील अशा बेताने धड पुढे न्या.
३. पुढे वाका आणि घोटयाचा मागचा भाग पकडा.
४. घोटे पकडल्यानंतर श्वास सोडा आणि डोके पायाच्या बोटांपर्यंत नेऊन कपाळ तेथे टेका. (चित्र क्र. ३२२)
५. नेहमीप्रमाणे श्वसन करीत या स्थितीत एक मिनिट राहा.
६. श्वास घ्या. डोके वर उचला. घोटयांवरील पकड सोडा आणि जमिनीवर विसावा घ्या.

परिणाम
या आसनामुळे पोटातील अवयवांना व्यायाम मिळतो आणि ते मजबूत बनतात. मासिक पाळीत ज्या स्त्रियांची पाठ अतिशय दुखू लागते त्यांना या आसनामुळे आराम लाभेल व पाठीच्या वेदना नाहीशा होतील. वरील दोन आसनांमध्ये दोन्ही हात मानेपासून हाराप्रमाणे खाली रुळतात. त्यामुळे आसनांना हे नाव मिळाले आहे.