TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ४२

ओवीगीते - संग्रह ४२

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

गावाला गेला म्हणू सांगूनी मला जावा

फोटो काढून घरी लाव ।

गावाला गेला म्हणू सांगूनी नाही गेला

सांजा न्याहारीचा वाया गेला ।

लाल पैठण म्हणती आणा आणा ग आयाराला

बाळ आलीया माहेराला ।

कृष्णदेव वैराळ, भर बांगडया तारच्या

बहिणी मनसुबादारांच्या ।

माहेर येवढं केलं नारळ पदरावरी

माझ्या त्या बंधुजीला सई माझी लई ।

माहेर येवढं केलं दोन्ही पदार राजा-राणी

माझ्या त्या बंधुजींनी केलं माहेर समृतांनी ।

हिरवी हिरकण शिंपी म्हणतो सव्वादोन

माझ्या बंधुजीच्या तालीवाराची मी भैन ।

माहेर येवढं केलं पाच आगळं शंभराचं

हौसच्या बंधूजीचं नाव लागलं गणीसाचं ।

चाटयाच्या दुकानात गंगासागर लुगडी

बंधु माझ्याला देखीताना चाटी दुकान उघडी ।

चाटयाच्या दुकानात मांडी घालून बैसला

माझा बंधुजी बघीतो रंगारंगाचा मासला ।

चाटयाच्या दुकानात बंधू बसलं दोघं-तिघं

काढा पातल बहिणाजोगं ।

माहेर येवढं केलं त्याचं पदार वाणीवजा

माझी तू बाळाबाई बंधु घेणार आहे तुझा ।

सासर्‍याला जाती लेक बघीती मागपुढं

जीव गुंतला आईकडं ।

सासर्‍याला जाती लेक कृष्णाकडच्या निवार्‍यानं

शालू भिजला दैवारानं ।

सासर्‍याला जाती लेक वाट लागली लवनाची

चांदी झिजली जोडव्याची ।

सासर्‍याला जाती लेक वाट लागली माळाची

बैल अवकाळ चाळांची ।

सासर्‍याला जाते घोडं धरीलं ज्यांनी त्यांनी

पाय झाकलं बंधुजींनी ।

लेकीच्या आईचं डोळ कशानं झालं लाल

बाळ सासर्‍याला गेली काल ।

सासर्‍याला जाती बघीती खालीवर

लहानाची केली थोर सत्ता चालना काडीभर ।

सासू नी सासरा दैवाचे नारी तुला

जाते माहेर भोगायाला ।

Translation - भाषांतर
N/A

References : N/A
Last Updated : 2007-12-09T20:23:24.1570000

Comments | अभिप्राय

Comments written here will be public after appropriate moderation.
Like us on Facebook to send us a private message.

lip rounding

  • ओष्ठीकरण 
RANDOM WORD

Did you know?

मृत व्यक्तीच्या तेराव्याचा विधी काय असतो? त्या दिवसाचे महत्व काय?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,450
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,879
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.