TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ५३

ओवीगीते - संग्रह ५३

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

१.

पिरतीचा भाव कान्त टाकीतो चूळ

सई माझ्या हारनीचं माझं भिजलं निर्‍या घोळ ।

पिरतीचा भाव कांतानं दिलं पान

सई माझ्या हरणीचं हिरवं रंगलं दात छान ।

२.

हिरवी काकनं हातात लेले व्हते

बाई माझ्या माहेरला रामेसराला गेले व्हते ।

माझ्या माहेराचं कसं नांदनं सोईचं

आई मारोतीचं व्हतं दरसन दोईचं ।

माहेरा ग घरी राज्य केलं मोंगलाई

मायबाईला माझ्या भरला तांब्या दिला नाही ।

माईचं माहेर भावाची धर्मपुरी

सांगते वहिनीबाई आशाची लंका दूरी ।

देवबाप्पा नको देऊं तू धनदौलत

घ्यावं माहेर खेळाया मायबापांच्या सावलीत ।

३.

नवतीची नारी तुझी नवती आवर

तुझ्या बोलन्यानं पडला सख्याला बावर ।

घरातली अस्तुरी तलवारीचं पान

पररानीसाठी नको घेऊ आडरान ।

घरातली अस्तुरी बुगडीच बोंड

परनारीसाठी का सुकली तुमची तोंड ।

परपंचाचा गाडा लोटता लोटना

हात लावा नारायना हरी सावळ्या मोहना ।

माझ्या रे परपंचाचा घोर म्यां नाही केला

हवाला केला तुला सावळ्या पांडूरंगा ।

गाईवरी गोदया लादील्या ग लमानानं

सवतीवरी लेक कोनी दिली बेईमानानं ।

माझ्या मी ग घरी नको करु माझा घोर

मायबाई माझे मला वाटतं माहेर ।

सुख सांगताना दुःखाचा आला लोंडा

बहीन माझी बाई हात लाविती माझ्या तोंड ।

४.

भाई राजापरीस भावज मालन चांगली

राया देसायाला घडी रंगाची लागली ।

माझ्या बंदू परीस माझी मालन देखनी

अशी वसरीला उभी जसी दऊत लेखनी ।

आईक भाऊराया नको म्हनू बहिनी फार

जसा चिमनीचा हार भुर्र उडून जाईल ।

मांडवाच्या दारी आयाराची सोळा ताटं

जाऊ मालनबाई माझ्या मानाची आधी ऊठ ।

अंतरीचं गुज सांगते माझ्या सख्या

नेनत्या माझ्या बंदू चल झाडाखाली एक्या ।

थोरल्या वाडयात कशी जाऊ मी एकांती

भाऊ भाच्याच्या माझ्या बाप लेकाच्या पंगती ।

माझ्या बहिनीचा बाळ मला म्हनीतो मावशी

देवदास हरी माझा फूल जाईचं सुवासी ।

थोरल्या घरची सून हांडया भांडयात राबती

बहिन माझे बाई तळखडया रंग देती ।

गावाला गेला बाई माझ्या गळ्यातली सरी

माझ्या राजबंधवानं कशी कटीली मुसाफरी ।

Translation - भाषांतर
N/A

References : N/A
Last Updated : 2007-12-09T20:23:48.1830000

Comments | अभिप्राय

Comments written here will be public after appropriate moderation.
Like us on Facebook to send us a private message.

अटटहास

  • n. वर्तमान मन्वन्तर के बीसवें चौखानें में हिमालय के अट्टहास शिखर पर यह शिव का अवतार हुआ । वहॉं इसे निम्नांकित शिष्य थे--१. सुमन्तु,२. वर्वरी,३. कबंध,४. कुशिकंधर [शिव.शत.५] 
RANDOM WORD

Did you know?

गांवे, नद्या, समुद्र, देवदेवता किंवा अन्य नांवांची उत्पत्ती काय असेल? नांवे कशी पडली असतील?
Category : Hindu - Literature
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 644,289
  • Total Pages: 46,537
  • Hindi Pages: 4,555
  • Dictionaries: 44
  • Words in Dictionary: 302,181
  • Marathi Pages: 27,517
  • Tags: 2,685
  • English Pages: 234
  • Sanskrit Pages: 14,230
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.