TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ६६

ओवीगीते - संग्रह ६६

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

भ्रतार बोले धरधनीन कुठं गेली

पाठीची गौळण हसत दारी आली ।

दुबळा भ्रतार म्हणू नको वेळोवेळ

पाठीचे गौळणी राज्य कर त्याचं बळं ।

लुगडं घेतलं टोप पदर लाल घडी

माझ्या बंधूनी धुंडीली पुणं सातार गंगथडी ।

चाटयाच्या दुकानात उच्‌च मोलाची ताजी घडी

माझ्या बंदवाच्या श्रीमंताच्या हाती घडी ।

तांबोळ्याचे मुली तुझा हिरवा बाजार

माझा बंधुजी विचारतो नवती केवढया हाजार ।

भाऊबीज केली, केली निम्म्या ग गावाला

माझ्या बंधवाच्या कोडं एकल्या जीवाला ।

बोळवण केलि पाचाहूनही पन्नासाची

हावश्या बंधवानं चोळी घेतली जीन्नसाची ।

भाऊयाबीज केली केलीया वरल्या आळी

हावश्या बंधवाला जेवू घातलं संध्याकाळी ।

भरल्या बाजारात चोळी घेतली गंदापात

आली मनाला टाक हात ।

लग्नाची लग्नतीथ आधी नवरीच्या मामाला

सांगते भाऊराया तुझी आगत आम्हाला ।

डाग दागीन्यांनी मधी भरली कढई

सोन्याच्या सरीसाठी मामा करतो लढाई ।

साळीच्या भाताची मोठी आवड देवाला

साळीच्या भातासाठी जाती जनीच्या गावाला ।

एका मागं एक नका जाऊ बाप लेक

बापाच्या परीस आईचं मोठं सुख ।

आपलं तुपलं कसं लावलं देवानं

बहिणीचं बाळ कडेभर घेतलं भावानं ।

जीव माझा गेला बाप रायाच्या मांडीवरी

पिवळा पिंताबर टाकीते तोंडावरी ।

वाटेनं चालला कोण आखूड बाहीचा

सांगते भाऊराया खरा रुपया चांदीचा ।

वाटच्या वाटसरा वाट कशाला पुसतो

काय सांगू बाई हात वैराचा दिसतो ।

वाटच्या ग वाटसरा अंगावर आला नीट

भाऊरायाच्या नावासाठी कळविली मी वाट ।

आईवरी शिवी नको देऊ आरबटा

डोंगरी ग सागरगोटा मला बीदोबंदी भाटा ।

येडा ग माझा जीव उगच वार्‍यावानी

बंधु वाटतो आल्यावानी ।

बंधुजी पावयीना शेजी म्हणती कोण राजा

हिरवा मंदील तुरा ताजा ।

बंधुजीला पावण्याला काय करावं जेवायला

तूप भिनू दे शेवायाला ।

उनाच्या रक्कामंदी रक्त कुणाचं धावा घेत

बहिणी कारणं भाऊ येत ।

दिवस मावळला दिवसापाई माझं कायी

बंधू येण्याचि वाट हाई ।

चांगुल तुझं पण किती घालू नजरेत

माझा बंधुराया उभा प्रभुजी बाजारात ।

Translation - भाषांतर
N/A

References : N/A
Last Updated : 2007-12-09T20:24:32.4570000

Comments | अभिप्राय

Comments written here will be public after appropriate moderation.
Like us on Facebook to send us a private message.

rank order statistics

  • क्रमानुक्रम नमुनाफले 
RANDOM WORD

Did you know?

समाधीबद्दल अधिक माहिती मिळावी. स्त्रीयांना समाधीचा अधिकार आहे काय? वयाची अट आहे का?
Category : Hindu - Philosophy
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,751
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,781
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.