TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ७७

ओवीगीते - संग्रह ७७

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

सुपात मोती दानं घालते मूठ मूठ

सजना दळायानं म्हणीना कूणी ऊठ ।

म्हणीना कोणी ऊठ आईशिवाय माया न्हाई

जिवाला तिच्या जड रडते ती धाई धाई ।

काटा बोचतां पायामंदी आईची व्हते सई

आई म्हणू आई, माझ्या तोंडाला येतं लई ।

आईच्या सईनं ग मोती पिकती पापण्यात

गालावर वघळती मोत्यांच्या दळणात ।

जिवाला माझ्या जड माझ्या जिवाचं धनी कोण

सावळ्या बंधुराजा शान्या शाहिरा मनी जाण ।

बंधूजी बोलईतो भैना दिलेल्या घरी र्‍हावं

लाडके राजूबाई भांड न्हवं ते बदलावं ।

जिवाला जड भारी कोणाला घालू वज

पिता दौलतीच ढाण्या वाघाचं हाई बीज ।

दळण दळीते मी गीत गाऊ कुणा कुणा

जन्म दिलेल्या दोघा जना ।

माझा ग पिंड बाप्पाजींच्या दंड भुजा

माझे तू बया बाई, तुझीच मी रुपवजा ।

बाप्पाजी बयाबाई दोन्ही आमृताची कुंडं

त्यात जलमला माजा पिंड ।

पिताजी दौलतीनं कीर्त केलीया थोडी भाऊ

वाटेवर त्येची हिर पाणी पितया सारा गावू ।

सासू नि सासईरा माझा देव्हारा कुलूपांचा

चुडया माझ्या त्या राजसाचा हात पूरना मानकाचा ।

पाण्यातली नाव तिचा कळना आणभाव

पिरतीचा कंत, कंत बोलवी आवं जावं

मन मोहन पाणी द्यावं ।

जावा नि जावा आमी, एका ग चालीच्या

जन ते इचारती सूना कुण्या त्या नारीच्या ।

वळवाचा पाऊस वडय नाल्याला नाही धर

हावशा कंतराज कंत मनाचं समींदर ।

पूजा मी ग करीयीती बेल वहाती शंकराला

आयुष्य मागती भ्रताराला ।

नवस मी ग केलं कोल्हापूरच्या अंबाबाई

आई सारख्या सासूबाई त्यांचा आधार मला लई ।

स्वर्गीच्या रे देवा तूजी माजी आन भाक

माजं जलम कुंकू राक ।

जोडव्या झनकारु नित इरुद्या तीन ठसं

माझे ग सूनबाई काम हुईना खाली बस ।

जोडव्या जनकार नित इरुद्या तीन रव

माझी सून बाई घरादारात ईज लवं ।

सकाळी उठोयानी जात्यावरला केर लोटी

बापाची बयाबाई रत्‍न तोंडाला येण्यासाठी ।

पहिली माझी ओवी गाते बापाजी गुजराला

बया माझी ती गौळण बया तुळस शेजाराला ।

द्रौपदीबाईसाठी द्याव झाल्याती रंगारी

त्यांनी रंगविली आपली वस्त्रं नानापरी ।

जग जातया यात्रेला आपण जावूया माहेराला

बापाजी बयाबाई दोन्ही क्षेत्र पाहायला ।

बापाजी बयाबाई दोन्ही काशीची देवळं

माझा तो बंधुराया मध्ये निशान पिवळं ।

Translation - भाषांतर
N/A

References : N/A
Last Updated : 2007-12-09T20:24:56.5600000

Comments | अभिप्राय

Comments written here will be public after appropriate moderation.
Like us on Facebook to send us a private message.

check problem

  • पडताळा पश्न 
  • पडताळा परिपाठ 
RANDOM WORD

Did you know?

शंखनादाविषयी कांही माहिती पाहिजे.
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 644,289
  • Total Pages: 46,537
  • Hindi Pages: 4,555
  • Dictionaries: 44
  • Words in Dictionary: 302,181
  • Marathi Pages: 27,517
  • Tags: 2,685
  • English Pages: 234
  • Sanskrit Pages: 14,230
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.