TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ५८

ओवीगीते - संग्रह ५८

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


माहेर

सांगून धाडिते - नाही आला सांगल्यानं

कठूर केलं मन - भाऊ मह्या रंगिल्यानं ।

साळीचे तांदुळ - उभ्याउभ्यानं दंडाळी

बंधव पाव्हणे तांदुळ - संगे सव्वाशे मंडळी ।

साळीचे तांदुळ - म्या दुकानी पाहिले

बंधव पाव्हणे - संगे अरब रोहिले ।

बहीण भावाचा - कसा इचार चांगला

भाऊ पुसे बहयणीला - माडी बांधु का बंगला ।

भारी भारी खण - चाटी वळणी लाविले

भाऊला मह्या म्या - ते बोटाने दाविले ।

बारीक बांगडी - कासाराच्या बैलावरी

रंगीला भाऊ मव्हा - पारावरी मोल करी ।

अंगणात उभा - अंगण मव्हं देत शोभा

रंगीला दादा मव्हा - खण मइया चोळीजोगा ।

शिण्याला साताला - दादा बसले पंडित

दादाच्या मांडीवरी - साडी हिरवी रंगीत ।

मला मोठी हाऊस - देऊळगावचं लुगडं

भाऊ घोडयावरी - चाटया फडताळ उघड ।

चौघं जण भाऊ - मला चार चोळ्या घेती

गिर्जाबय्या माही - सौती साडी बलावती ।

बारा हे ग बैल - तेराव्वी आहे सिंगी

भाउला ग मह्या - दयव आलं इच्यापायी ।

गायीचं गोमीतर - देवामंधी पवितर

मह्या रंगील्या दादाचं - त्यात भिजलं धोतर ।

गायीचं गोमितर - अंगणी वाहे गंगा

पाठीच्या भाऊ महया - दयव तेथ पांडुरंगा ।

बैल सईल्याच्या - चारी पायात केसरी

भाऊला उभारी - जोडी घेयाची दुसरी ।

मोठ हाने मोठकरी - बारे देतो बारेकरी

सेताला घाले फेरी - दादा माहे कारभारी ।

वानी या तिनीचे - भाऊ मन्हे सुखी राव्हं

असा शोभा देत - झाडामंधी मव्हा गाव ।

सांगून धाडिते - मह्या मावस भावाला

चांदीचे कळस - टांगा झळकतो शिवंला ।

वाटंनं चालला - भाऊ मव्हा गोरापान

सोन्याची छतरी - वर्‍ही सूर्व्यनारायण ।

पुतळ्याची माळ - मह्या ये ग बह्यणी लेती

वडील बाई माही - शोभा बह्यणीला देती ।

आम्ही तिघी बह्यणी - तीन गावच्या खारका

मायबाई माही - मंधी नांदते द्वारका ।

आम्ही तिघी बह्यणी - तीन गावचे जागेमंधे

भाई राजस ग माझे - मध्ये लावणीचे अंबे ।

आम्ही तिघी बह्यणी - एकूण एकीच्या पाठच्या

भाई राजसानं मह्या - चोळ्या शिवल्या जरीच्या ।

शिण्याच्या साताला - सौतं खणाळ फाडलं

ज्याला न्हाई भैन - त्याल नवल वाटलं ।

मला मोठी हाऊस - दऊळगावच्या बांडाची

वडील मेव्हण्यानं - केली खरेदी दिंडाची ।

बापाजीचा वाडा - बाइ ही रेंघते धावत

सीता भावजई - आली बिजली लवत ।

Translation - भाषांतर
N/A

References : N/A
Last Updated : 2007-12-09T20:24:12.5370000

Comments | अभिप्राय

Comments written here will be public after appropriate moderation.
Like us on Facebook to send us a private message.

दादाची खोड वहिनीला माहीत

  • आपल्यापेक्षां भावाच्या बायकोला त्याची संवय 
  • खोड पूर्ण माहिती. तेव्हां तिच्याच अनुरोधानें दीर. नणंदा वगैरेनीं चालणें बरें. आणखी पुढें पहा. 
RANDOM WORD

Did you know?

आठ या संख्येला माया संख्या आणि नऊला ब्रह्मसंख्या कां म्हणतात?
Category : Hindu - Philosophy
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,108
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 326,018
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.