TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ६०

ओवीगीते - संग्रह ६०

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


सासर

माझ्या मामंजीची - स्नानसंध्या भारी

जवळ उभी मंदोदरी ।

सासू आत्याबाई - तुमच्या पदराला शेव

तुमच्या पोटचा - चुडा मव्हा महादेव ।

सासू आत्याबाई - तुमचा पदर जरीचा

तुमचा पोटचा - चुडा सावळ्या रंगाचा ।

सासू आत्याबाई - तुमच्या पदराला गाठी

सोडीले मायबाप - सावळ्या चुडयासाठी ।

कपाळाचं कुंखू - मह्या कपाळा दंडतं

फूल गुलाबाचं - कोण्या पेठला हिंडतं ।

बळदुं रे देवा - मला दुबळं राहू दे

कुंखू कपाळाचं - जोडा जल्माला जाऊ दे ।

कपाळाचं कुंखू - साता तोळ्याच्या मव्हरा

भाऊच्या ग तरी - तालुकदाराचा सोयरा ।

कपाळाचं कुंखू - कसं घामानं पांगलं

बोलले बापाजी - लेकी दैयव चांगलं ।

कपाळाचं कुंखू - लावते दोन बोटं

तुम्ही पाव्हं सय्याबाई - चुडा मव्हा उजवट ।

कपाळाचं कुंखू - लावते डौलदार

जावो जलमाला - चुडयाचा कारभार ।

नगर पेठला - मव्हा माणिक हिंडतो

गुलाबी पटका - याच्या सुर्तीला दंडतो ।

किती सांगू बाई - चाल मह्या चतुराची

हाती मिरी धोतराची ।

माझ्या चुडियाचं - सुख सांगते माहेरी

पितळी पलंग - त्याला काचंची पायरी ।

सेताच्या बांधाला - कसा पवना मातला

बईल सईला - धनी पेरण्या गुंतला ।

जाते मी हाटाला - नजर लावते दुरुनी

चोळीचे घेणार - उभे पालाला धरुनी ।

काळी चंद्रकळा - नेसाया मन झालं

चुडया मह्या चंदनाला - घेणाराला सांगाल कोण ।

शिणार्‍या मह्या दादा - सोड दिंडाच्या मोरख्या

अजुनी येईना - माझा कापड पारख्या ।

मह्या मनाची हाऊस - सांगल चुडया चंदनाला

नव खणाची वसरी - सौती खोली रंधनाला ।

मह्या मनाची हाऊस - सांगल सेताच्या सेतात

कडे पाटल्या हातात - सोनं टाकावं नथात ।

माझ्या चुडीयाची - उजवी बाही सोनियाची

काय करायाची - संपत दुनियेची ।

दुरुनी वळखीते - तुमच्या पटक्याची बांधणी

गंध कपाळाचं - जणु सुखाची चांदणी ।

सासू ग सासरा - सुखाची चांदणी

मह्या कपाळाचं कुंखू - सूर्व्य डोलतो अंगणी ।

भरताराचं सुख - हसून सांगते गोतात

अंगावरल्या शेल्याची - केली सावली शेतात ।

माझ्या अंगणात - चिमण्या पाणी पेती

हिरव्या पातळाच्या - नणंदा तोंड धूती ।

कुंखाच्या परीस - मह्या मेणाचा लघटा

चुडयाच्या परीस - नणंदाबाईचा मुखटा ।

आऊख मांगते - कुंखाखालच्या मेणाला

देराला ग तरी - मह्या पहिलवानाला ।

वडीलपन्नाला - किती चालू मी गहीन

देरा या बाम्हण्या - तुम्ही भाऊ मी बहीण ।

वडीलपन्नाचा - मोठेपणा मह्या शिरी

देर म्हणतो वह्यनी - जावा बाई बाई करी ।

धाकल्या देराला - काम सांगते चोरुन

वसरीला तांब्या - घ्यावा दादाजी भरुन ।

कवतूक पाहू - आपण घरच्या घरात

देर हे बाम्हण - उभे खोलीच्या दारात ।

सेताच्या बांधाला -जावा जावांची तगार

देर बाम्हणाचा - मंधी हौशाचा नांगर ।

धाकली मही जाऊ - कामाचा करते हेवा

देरा या सदाशिवा - पाण्याला गडी ठेवा ।

धाकल्या जावेला - काम सांगी रागंरागं

बारा बयलाचं शेण - दावण झाडू लाग ।

धाकली मही जाऊ - बोलते चिडी चिडी

इच्यावरी कायमुना - देर मोतीयाची लडी ।

धाकली मही जाऊ - बोलते चणाचणा

इच्यावरी का यमुना - देर मोतीयाचा दाणा ।

धाकल्या जावेचे - जाते कवतूक पाह्याला

भरताराला जेऊं घालून - आपण बसली न्हायाला ।

भांडती बांधव - जेवती एका ताटी

सांगते जाऊ तुला - अबोला कशासाठी ।

सुनेला सासरवास - जिनं आला तिनं केला

राणी बयाबाई - जलम भोळ्यामंधी गेला ।

सासरवासीनं - मह्या बाईनं पाहिली

हाती लाल तांब्या - तोंड धुवाया लागली ।

सासूचा सासरवास - नंदाबाईच्या काचण्या

रंगीला दादा मव्हा - घेतो शिवेहून बातम्या ।

सासूचा सासरवास - बंधू ऐकतो दारुन

कवळी याची शीण - नेत्र आलेत भरुन ।

सासूचा सासरवास - नंदाबाई हळू बोला

तुमच्या पाठीचा - बंधू बाहेरून आला ।

सुनंदला सासरवास - नका करु सासूबाई

तुमच्या पोटच्या - चण्यासाठी आली जाई ।

दुरुन वळखीते - मह्या चुडयाचं पाऊल

भाऊच्या मह्यासंगं - सालीयाचा डौल ।

दुरुन वळखीते - साल्या मेव्हण्याची चाल

भाऊचा पटका लाल - चुडयाची हिरवी शाल ।

Translation - भाषांतर
N/A

References : N/A
Last Updated : 2007-12-09T20:24:19.2270000

Comments | अभिप्राय

Comments written here will be public after appropriate moderation.
Like us on Facebook to send us a private message.

भागूबाई

  • स्त्री. पळपुटा , भित्रा , पुचाट , नामर्द माणूस . अगोदर आरंभशूर आणि मागाहून भागूबाईप्रमाणें पलायन करणारे वीरपुरुष समाजसुधारणेला उपयोगी नाहींत . - इंदुप्रकाश . [ भागणें ] 
  • भित्रा 
  • भ्याड मनुष्य. ‘ आरंभशूर आणि मागाहून भागूबाईंप्रमाणें पलायन करणारे वीरपुरुष समाज सुधारणेला उपयोगी नाहींत. ’ -इंदुप्रकाश. 
RANDOM WORD

Did you know?

मृत माणसाचा पिंड भाताचा कां करतात?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 644,289
  • Total Pages: 46,537
  • Hindi Pages: 4,555
  • Dictionaries: 44
  • Words in Dictionary: 302,181
  • Marathi Pages: 27,517
  • Tags: 2,685
  • English Pages: 234
  • Sanskrit Pages: 14,230
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.