TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह १५

ओवीगीते - संग्रह १५

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

सासू सासरा बाई म्हने पडे उजेड वाडयावर

सासू मालन म्हनीयीती जान जमकाना माडीवर ।

जिवाला माज्या जड कोन माज्या कळकळीचं

बयाजी माज्या बाळं वाघ सुटलं साकळीचं ।

जिवाला माझ्या जड कसं कळालं हरनीला

बया माज्या मालनीचा पाय ठरना धरनीला ।

जिवाला माझ्या जड जावा बगूनी गेल्या शेता

पिता माझा दवलत आला सुक्कीर उगवता ।

जिवाला माज्या जड माजी दुकती नकंबोटं

बया माजी मालन माजी वैदीन गेली कुठं ।

जिवाला माझ्या जड माज्या जिवाचं धनी कोण

नटव्या माजा बंदु शान्या शाईरा मनी जाण ।

जिवाला माज्या जड कसं कळालं गांवांत

हावशा माज्या कांता कडू लागलं पानांत ।

जिवाला माझ्या जड गरड लिंबूला घाली मिठी

हौशा ते माजे कांत इष्ट मैतर झाले कष्टी ।

दुंडावा माजा हात हौशा कांताच्या नजरेत

हिरेजडीत बिलवर केली खरेदी मुंबईत ।

वाट मी किती पाहू गावा गेलेल्या रंगेलाची

पानं सुकली रतीबाची ।

वाट मी किती पाहू गावा गेलेल्या वकिलाची

चित्र कोमेली बंगल्याची ।

वाट मी किती पाहू गावा गेलेल्या सजनाची

येळ झालीया भोजनाची ।

गावाला गेले म्हनू एक महिना तीन वार

माजं बाळराज माज्या गळींचा चंद्रहार ।

पाची प्रकारच ताट वर केळीची केळफणी

माज्या ग बयावानी हांक मारीली मला कुनी ।

पाची प्रकारच ताट भाजी मेथीची इसरली

माज्या बंदुराया ऊठ सरदारा चुकी झाली ।

पाची प्रकाराच ताट खडीसाखर निवायाला

उठा बंदुजी जेवायाला ।

पाची प्रकाराच ताट दुधा तुपाचे गेले पाट

धाकटया बंदुराया किती बगू मी तुझी वाट ।

पाची प्रकाराच ताट दुधा तुपानं भरल्या वाटया

माजी बंदुजीसंग ग नीत जेवाया तलाटया ।

पाची प्रकारच ताट वर साकरची शाइ

माज्या बंदुजीला जेव म्हनाया आई न्हाई ।

पाची प्रकाराच ताट मी का वाडीते ऊन ऊन

माज्या त्या बाळराजा न्हाई पाठीची सक्की भैन ।

Translation - भाषांतर
N/A

References : N/A
Last Updated : 2007-12-09T20:22:38.7730000

Comments | अभिप्राय

Comments written here will be public after appropriate moderation.
Like us on Facebook to send us a private message.

भुताच्या भयानें घेतलें रान, तेथें भेटला बडा सैतान

  • एका संकटास भिऊन दूर जावें तो दुसर्‍याच्या अधिक भयंकर कचाटयांत सांपडावें. आगींतून निघून फुफाट्यांत पडणें. चुलींतून निघून वैलांत शिरणें. 
RANDOM WORD

Did you know?

यज्ञोपवीत ( जानवे ) म्हणजे काय? त्याला किती दोरे असतात? त्याच्या गाठीला काय म्हणतात
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 644,289
  • Total Pages: 46,537
  • Hindi Pages: 4,555
  • Dictionaries: 44
  • Words in Dictionary: 302,181
  • Marathi Pages: 27,517
  • Tags: 2,685
  • English Pages: 234
  • Sanskrit Pages: 14,230
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.