TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ३६

ओवीगीते - संग्रह ३६

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

बंधुजी पाहुणा माझ्या दाराला होती कडी

चतुर बंधुजीची शिंगी सोप्याला टांचा झाडी ।

शिंगीला खाना दाणा डाळ देते मी वाटाण्याची

चतुर बंधुजीची शिंगी माझ्या ग पठाणाची ।

बंधुजी पाहुणा दुरडी वेळीते शेवायाची

नड सांगते जावायाची ।

पाची पकवान्नाचं ताट करते गुलाबी हलवा

बंधुच्या पंगतीस दीर राजस बोलवा ।

पाची पकवान्नाचं ताट एक विसरलं वांगं

ताईता माझ्या बंधु चुकी झालेली मला सांग ।

नवरी पाहू आले आले पुण्याचे पुणेकर

बिन्दी पट्‌टा अलंकार घालूं केले ।

नवरी पाहू आले बसू घालावे अंगणी

नवरी नक्षत्र चांदणी ।

नवरी पाहू आले सोपा चढूनी माडी गेले

नवरी पाहुनी दंग झाले ।

नवरा पाहू आले काय पहातां घरदार

नवरा आहे वतनदार ।

नवरा पाहू आले काय पाहता वाडाझाडा

नवरा आहे चिमखडा ।

हौस मला मोठी वहिनीबाईला मुलगी व्हावी

खणचोळी कुंची न्यावी बारशाला ।

हौस मला मोठी बिंदल्याला सोनं घ्यावं

हौसेला बाळ व्हावं वहिनीला ।

हौस मला मोठी मोत्यांच्या भोकराची

मुंज तुमच्या तान्हीयाची ।

सासरचे बोल जशा रेशमाच्या गाठी

मी ग सोशीते तुझ्यासाठी मायबाई ।

सासरी जाता बाई डोळ्या माझ्या आलं पाणी

भल्या घरची लेक शाणी ।

भरल्या बाजारात मायलेकींची गंमत

माय बोलते शिंप्याला सांग चोळीची किंमत ।

माझ्या ग अंगणात शेजी नारीची सईना

कशी वळखू यीना तोळबंदाची माझी मैना ।

झाडाची सावली यावी झाडाच्या पुरती

बयाची माझ्या सर काय करील चुलती ।

उन्हाळ्याचं ऊन सये लागतं शेल्यातून

लाडक्या बाळराजा शिंगी काढ पागेतून ।

सावळ्या सुरतीकडे नार बघती कवाची

तान्हा राघू माझा रास दिसती गव्हाची ।

Translation - भाषांतर
N/A

References : N/A
Last Updated : 2007-12-09T20:23:11.1500000

Comments | अभिप्राय

Comments written here will be public after appropriate moderation.
Like us on Facebook to send us a private message.

मुंढारी

  • स्त्री. पावसाचें पाणी भिंतींत मुरुं नये , तें निघून जावें म्हणून भिंतीवरील उतरता केलेला भाग ; वरवंडी ; वरंडी ; भिंत बांधून झाल्यावर शेवटीं विटांचा निमुळता , पायर्‍यावजा बांधतात तो भाग . [ मुंड ] 
  • muṇḍhārī & मुंढेरी See under मुंडेरी. 
  • मुंढेरी पहा . 
  • The coping of a wall. 
RANDOM WORD

Did you know?

सर्व धार्मिक कार्यांत आरंभी श्रीगणेशाची पूजा कां करतात?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.