TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ७०

ओवीगीते - संग्रह ७०

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

आई आई म्हणू, आई साखरफुटाणा

आई सांगे गोष्टी मला उठूशी वाटेना ।

बारीक बांगडी, मला भरुशी वाटली

आईच्या ठिकाणी मला मावशी भेटली ।

कपाळीचं कुंकू, पाण्यात पाहू नय

लग्नाच्याजोडयाला, नांवं ठेवू नये ।

बाबाने दिली लेक, वाटेवरच्या गोसाव्याला

तिच्या नशिबाला पालखी ग बसायाला ।

शेजारीण बाई धन्य तुझ्या ग शेजाराची

सय नाही माहेराची बारा वर्षे ।

गोरी भावजय नको ग करु फुणफूण

सांगेन ग तुझे गुण भाईरायाला ।

भाऊराया ग आपुला, वहिनी बाई ग लोकाची

मनं राखावी दोघांची सिंधूताई ।

सावळ्या मेहुण्याला नाही सुपारीची चाड

दिलं ग लवंगाचं झाड, सिंधूताई ।

नवरी पाहू आले, बसू टाकावा दोरव

शालू घ्यावा ग हिरवा वरमाईला ।

सोनसळे गहू त्याला तूपाचे ग मोहन

भाऊबिजेचे जेवण भाऊरायाला ।

पाहुण्याला पाहूणचार, मेहुण्याल बुंदी लाडू

एका पंक्ती दोघी वाढू वहिनीबाई ।

मधूपर्की कोण बैसलासे हिरा

सखे तुझा ग नवरा इंदूताई ।

दळण दळिताना अंगाचे होत पाणी

माय बाई जरी हिने मला चारिले सायलोणी ।

सासरी जाताना गाडी लागली जाईला

हाका मारिते आईला, बेबीताई ।

माझ्या ग दारावरनं कोण गेली सवाशीण

काजळ कुंकू बाळंतीण शांताबाई ।

भरली कृष्णाबाई, पाणी लागलं दोन्ही कडया

माझा पोहणार टाकी उडया भाईराया ।

भरली कृष्णाबाई, नाव चाले ग भरा भरा

नको रागावू भाईराया मायबाई ।

वाटेचा ग वाटसर, करितो पाणी पाणी

भाऊच्या मळ्यामधी चावर्‍या मोटा दोन्ही ।

भाऊची कमाई, पहायला गेले शेती

होती काळी माती वर उमलले मोती ।

सासू आणि सासरा, दीर तो तिसरा

ओव्या गाईन भ्रतारा तू ये रे बा विठ्‌ठला ।

दळण जी दळीले, पीठ जी भरीले

सासू पुढे तू ठेविले ये रे बा विठ्‌ठला ।

शेजीचे ग उपकार हे ग फेडीते भाजीपाला

मायबाईचे उपकार फिटेना काही केल्या ।

औक्ष मी ग चिंतीते शेजीच्या ग बाळाला

माझ्या त्या राजसा बरोबर खेळायाला ।

लांब लांब केस, भांग पडतो कंगणी

वहिनी ग बाई उभी मामाच्या अंगणी ।

तुळशीचा पाला, वारियाने गेला

देव विठ्‌ठलाने आवडीने गोळा केला ।

तुळशीबाई तुझ्या खाली काळी माती

तुझ्या भेटीसाठी देव आले अर्ध्या राती ।

माऊलीची माया काय करील चुलती

पंढरीची खण चोळी होईना पुरती ।

सासर्‍याची वाट टाकी लावून घडीवली

बंधु माझ्या ग गणेशाला बघा वाट ती नवी केली ।

सासुरवाशिणीच्या पाठी लागतो सारा वाडा

माझ्या त्या बाळाईचा कंत भिंतीच्या आड झाला ।

पाया ग पडू आता नको पायाचा मला भान

माझे ग सूनबाई बाळ कांखेला आहे तान्हं ।

Translation - भाषांतर
N/A

References : N/A
Last Updated : 2007-12-09T20:24:41.2800000

Comments | अभिप्राय

Comments written here will be public after appropriate moderation.
Like us on Facebook to send us a private message.

sequential chi-squared test

  • अनुक्रमी कायवर्ग कसोटी 
RANDOM WORD

Did you know?

I need something, but I cant find it or is it not there?
Category : About us!
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,893
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,717
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.