TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ७२

ओवीगीते - संग्रह ७२

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

जोंधळ्याचा गाडा आला माळाने गुंगत

काय बघता बायांनो माझ्या बंधूची हिंमत ।

चले सये जाऊ पिंपळाला पार बांधू

माझ्या बंधुजीला हावशाला पुत्र मागू ।

धावूनि धरिते तुझ्या पडावाचा दोर

माझ्या बंधुराया तांडेला मशी बोल ।

आशा नाही केली शेजीच्या बंधवाची

आवचित आली स्वारी बंधू माझ्या यादवाची ।

काय सांगू सये माझ्या बंधुचं नटणं

अंगी दोरव्याची बंडीवर चांदीची बटणं ।

शिंप्या सौदागरा सोड दिंडाच्या तू गाठी

बंधू भेटे बाजारात धरीते मनगटी ।

शिंप्या सौदागरा सोड दिंडाची सयली

माझा बंधूराया बग बाजारी बोहिली ।

बंधूला झाला पुत्र आली साखर माझ्या गावा

आगाशी दिवा लावा रामचंद्र नाव ठेवा ।

बहिण भावंडाची जोडी बसली वावरी

राघू मारितो भरारी मैना झालीया बावरी ।

बारीक माझा गळा वार्‍यानं ऐकू गेला

माझ्या बंधूनं घोडा मैदानी उभा केला ।

वाटच्या वाटसरा बस खाली देते पाणी

सावळं तुझं रुप माझ्या ताईत बंधूवानी ।

सुख सांगताना दुःख ठेविलं झाकुनी

आनंदलं मन माझ्या बंधूला देखुनी ।

बहिण भावडांचा कशाला राग रोस

जाई मोगर्‍यांचा दोहीचा एक वास ।

मामंजी सासूबाईचा वाटतो आदर

आता शोभिवंत त्यानं माझं घर ।

मांमजी सासूबाई दोन्ही सोनियाच्या भिंती

माझ्या ग आयुष्याचा वर गिलावा करु किती ।

मांमजी सासूबाई आहेत दैववान

शोभिवंत घर त्याचा मला अभिमान ।

मुलाबाळांनी भरलं बघा माझं बाई घर

मामंजी सासूबाई नशीब तुमचं आहे थोर ।

पुढल्या दरवाज्यांत नाही उभी मी रहाणार

आता मामंजीची मला आहे ग कदर ।

परक्या पुरुषाला कसा देऊ मी कातचूना

आम्ही गृहस्थाच्या सुना ।

सासरी जाताना डाळींबी दाटली

सखी जिवाची भेटली सईबाई ।

सासरी जाताना डोळ्यांना आलं पाणी

डोळे पुशी शेल्यांनी दादाराया ।

सासरीचे बोल जशा रेशमाच्या गाठी

सोशिल्या तुझ्यासाठी मायबाई ।

सावळ्या मेहूण्यांना नाही सुपारीची चाढ

दिलं लवंगेचं झाड सईबाई ।

सावळे मेहुणे आपल्या आईचे बाळक

दिली पूतळी ठळक सईबाई ।

पहाटेच्या प्रहरात हांडे घंगाळ वाजती

लेकी सूना वावरती घरामध्ये ।

Translation - भाषांतर
N/A

References : N/A
Last Updated : 2007-12-09T20:24:45.6430000

Comments | अभिप्राय

Comments written here will be public after appropriate moderation.
Like us on Facebook to send us a private message.

दांतवले

  • न . एक हस्तीदंती दागिना . - शर . - वि दातांचा केलेला ; हस्तिदंती . अस्थीचा वीटाळ होतां स्नान केले । चुडे दांतवले कासयासी । - रामदासी - स्फुट अभंग ३३ . ( नवनीत पृ . १५१ . ) 
RANDOM WORD

Did you know?

हिंदू स्त्रियांच्या मंगळसूत्रातील काळ्या मण्यांचे महत्त्व काय?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,450
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,879
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.