TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ६४

ओवीगीते - संग्रह ६४

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

सावळी सुरत अशी पाहिली नाही कुठं

माझ्या ग राजसाचं ओठ बारीक डोळ नीट ।

मोठ नी मोठ डोळ जशी लिंबाची टोपणं

शेजीला कशी सांगू रुप कांताचं देखणं ।

रुक्मीनबाई बोल सुभद्राला धाडा मेणा

द्रुपदाबाईची स्वारी रथामधी आधी आणा ।

पहाटेच्या पार्‍यामंदी कोणी वाजवीला वीणा

काकड आरतीला उभ्या भाऊ बोदल्याच्या सुना ।

पहाटेच्या पार्‍यामधी कर्णा सुरु झाला

दह्या दुधानं देव न्हाल ।

पहाटेच्या पार्‍यामंदी कर्णा वाजतो मंजूळ

पांडुरंगाला माझ्या दह्यादुधाची आंघोळ ।

पहिल्या पंगतीला रुक्‌मीन बैसली रांगूळीला

सावळा पांडुरंग देव गेला आंघोळीला ।

दुसर्‍या पंगतीला रुक्मीन टाकीती पान

भोजना बैसले बार्शीचे भगवान ।

तीसर्‍या पंगतीला रुक्मीन वाढीती पोळी

भोजना बैसला अरनगावचा सावता माळी ।

चवथ्या पंगतीला रुक्मीन वाढीती भात

भोजना बैसले पैठणीचे एकनाथ ।

पाचव्या पंगतीला तुपा तळीती मेथी

रुक्‌मीन बोलती विठ्‌ठला साधु पंगतीला आले किती ।

आपण गुरु बहिणी देशो देशींची पांखरं

पांडुरंगाच्या माझ्या एका वाफ्याची लेकरं ।

तुझ्या त्या ओसरीला येल लवंगाचा केर

तुझ्या नवतीचा गेला भर ।

लेकीचं चांगूलपण रुप आईन्यात मावेना

बापासारखी माझी मैना ।

चांगुलपणाची लांब गेलीया आवई

बंधुसारखी भावजई ।

नेसली चंद्रकळा तुझी बारीक कंबर

निरी पडली शंभर ।

थोरलं माझं घर घराशेजारी पाणई

सून गवळ्याची ठाणई ।

भाजीमधी भाजी, भाजी बारीक हरबर्‍याची

माझ्या बंधूजीची नार नाजूक वंजार्‍याची ।

जाल्या तू ईसवरा तुला सुपारी बांधिली

नवर्‍या हळद लाविली ।

जाल्या तू इसवरा तुला बक्षी गव्हाचा बा घास

नवरा मोतीयाचा घोस ।

बंधू मी करते याही दीर दाजीबा संगं चला

मांडव नारळीचा पायघडयांची बोली करा ।

बंधू मी करते याही जावा नंदाच्या मेळ्यात

सोन्याची मोहनमाळ सून राध्याच्या गळ्यात ।

घाणा ग भरीयला खंडीभर जीरीयाचा

मंडप हि‍र्‍याचा लखलखाट ।

घाणा ग भरीयला खंडीभर गव्हायाचा

मंडप मोत्याचा दणका थोर ।

घाणा ग भरीयला खंडीभर बाजरीचा

मंडप देवाचा शोभीवंत ।

Translation - भाषांतर
N/A

References : N/A
Last Updated : 2007-12-09T20:24:27.8700000

Comments | अभिप्राय

Comments written here will be public after appropriate moderation.
Like us on Facebook to send us a private message.

intra polar electrolysis

  • अंतर्धुवीय विद्युत अपघटन 
RANDOM WORD

Did you know?

जननशांतीचे महत्व स्पष्ट करा ?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,450
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,879
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.