TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ८८

ओवीगीते - संग्रह ८८

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

काळी चंद्रकळा खडीनं भरली

संसारी रंगली मायबाई ।

पालख पाळणा येतां जातां हालवू

आत बाळ निजवू नवसाचा ।

पालख पाळणा मोत्यांनी विणीला

तुझ्या मामांनी धाडिला तान्ह्या बाळा ।

पालखाची दोरी हालत लोंबत

संसारी गंमत तान्हीयाची ।

एक म्हणती नंदाचा एक म्हणंती वसुदेवाचा

जन म्हणे हो कोणाचा कृष्णनाथ ।

माय तो माहेर बाप तो येऊ जाऊ

मग आणतिल भाऊ लोकोपचारा ।

माय तो माहेर बाप तो माझी सत्ता

नको बोलू दशरथा भाईराया ।

माऊलीची माया काय करील चुलती

पाण्याविण ती शेवंती कोमेजली ।

सासरचा चारा माहेरचा वारा

अंगाला लागतो सुखाचा उबारा ।

प्रेमाचें अमृत ह्रुदयाचे पोटीं

ह्याची साक्ष मोठी मायमाऊली ।

सासरी सासुरवास मला नाही केला

कीर्ति मिळाली तुम्हांला सासूबाई ।

आयुष्य मी चिंतिं सासूबाई तुमच्या नीरीं

माझी कुंकवाची चिरी अखंड राहो ।

सूनबाई आली घरा सोन्याच्या पायाने

सासूबाईचा आनंद कसा सांगू मी वाणीने ।

व्रतामध्ये व्रत व्रत करावे सोमवार

पुढल्या गोतामध्ये आईला माया फार ।

सासूबाई सासूबाई आम्ही सूना लाडक्या

आम्हांला मूळ धाडा ह्याच्यापुढे पालख्या ।

दसरा संपला दिवाळी कधी येई

माय ग माऊली माझी वाट पाही ।

सकाळी उठूनी दोन्ही हाती ग धंदा

सासूबाई माझ्या सुखी राहोत सदा ।

एक लिंबाच्या केल्या आठ फोडी

भाई रायावरी बहिणीची माया वेडी ।

वहिनीबाई गोरी आखूड तिचे दंड

हिरव्या चोळीवरी तिला पिवळे बाजूबंद ।

वाटेवरले घर आल्या गेल्याला ताकभात

माझ्या वहिनीबाई बापाजीचे नांव राख ।

वाटेवरले घर आल्या गेल्याला गूळपाणी

माझी ग ताईबाई जातिवंताची लेक शहाणी ।

आयोवणी मरणाची माझ्या आईला आवड

हळदी कुंकवाच्या पुढे गेली ग कावड ।

काळी चंद्रकळा ठेवू ठेवूनी नेसावी

कुंकवाची चीरी वहिनीबाईला असावी ।

आम्ही पाच बहिणी पाच गावचे कळस

माझी ताईबाई मधें नांदते तुळस ।

पाऊस झिम झिम लागून ओसरला

भाईरायाला लेकी झाल्या आम्ही बहिणी विसरला ।

Translation - भाषांतर
N/A

References : N/A
Last Updated : 2007-12-09T20:25:22.7370000

Comments | अभिप्राय

Comments written here will be public after appropriate moderation.
Like us on Facebook to send us a private message.

isolating mechanism

  • Zool. एकलन यंत्रणा 
  • एकलन यंत्रणा 
RANDOM WORD

Did you know?

कांही धर्मात प्रेताचे दहन तर कांहीत दफन कां करतात?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,108
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 326,018
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.