TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ३२

ओवीगीते - संग्रह ३२

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

समोरच्या सोप्या जेन टाकिते चकराचं

माझ्या ग बंधवाचं स्नेही मैतर वकिलाचं ।

समोरच्या सोप्या उभे काचेचे गल्लास

चतुर माझा बंधु पाणी पिणार विलास ।

सरीलं दळण माझ्या गीताच्या छंदाखाली

चतुर माझा बंधु लेतो अबीर गंदाखाली ।

तेल्या बुत्याची कावड मुंगी घाटात झाली छाया

चतुर बंधुजींनी पहिलवानांनी दिल्या बाह्या ।

तांबोळ्याची मैना पानं मोजिती चौदाचौदा

चतुर माझा बंधु पान खाणार पोरसवदा ।

तांबूळ्याची मैना तुझा ओसरीसाठी ओट

माझ्या ग बंधुजीला पान खाण्याचा छंद मोठा ।

एकामागं एक गाडया चालल्यात नवू

चतुर माझा बंधु व्यापारी भारी गहू ।

सातार्‍या शहारामधी छत्री कुणाची झळकली

चतुर बंधुजीची स्वारी पगाराला गेली ।

झडा झडा चालं तुझ्या चालीनं चालवना

चतुर माझा बंधु तहान लागली बोलवेना ।

गोंडाळ्या हातायाला ह्याला बांगडी लागे थोडी

चतुर माझा बंधु राजवर्खीची लावा जोडी ।

लोकाच्या बंधुवाणी माझा बंधुजी नव्हे नारी

किती गडनी तुला सांगू शहामृगाला माया भारी ।

मावळता दीस झाडाझुडात दंग झाला

चतुर बंधुजीच्या खंड नांगरा पडला ।

दिवस मावळला दिवसापासी माझं काय

चतुर बंधुजीची दिवा लावून वाट पाय ।

भरली तिन्हीसांज दिवा लावून उभी रहाते

चतुर माझा बंधु तुझ्या राज्याची हवा पहाते ।

माहेराच्या देवा तुला नाही मी विसरत

चतुर बंधुजीचा येल जाऊ दे पसरत ।

हात मी जोडीते तुला सांगते श्रीहरी

चतुर माझा बंधु आहे जहाजाची दोरी ।

सरलं द्ळण सरलं म्हणाया लाज वाटं

चतुर बंधुजीच्या कणगी भरल्यात तीनशेसाठ ।

सरलं दळण एवढं उरतं कुठं ठेऊ

बंधु बळताला शिडया लावू ।

गावोगावचे पाटील कोरेगावच्या बाजारी

चतुर बंधुजीची खुर्ची मनसुबाशेजारी ।

सुखाला भरतार दुःखाला बाबाआई

सयाला किती सांगू बंधु वैद्याच्या गावी जाई ।

Translation - भाषांतर
N/A

References : N/A
Last Updated : 2007-12-09T20:23:03.1570000

Comments | अभिप्राय

Comments written here will be public after appropriate moderation.
Like us on Facebook to send us a private message.

rotational line

  • घूर्णन रेखा 
RANDOM WORD

Did you know?

तीन रस्ते एकत्र येऊन मिळतात, त्या ठिकाणास काय म्हणतात
Category : About us!
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,893
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,717
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.