लाडक्या लेकीचं नाव ठेवीलं अनुसया
संगं परटीन धुणं धूया ।
लेकीच्या पैक्यानं कोन झालया शिरीमंत
कसाबा दिली गाय कशी निघाली हंबरत ।
बहिणभावंडाचा मेळा बसला पाखरांचा
ताईता बंधू माझा पुडा सोडीतो साखरचा ।
दिवस उगवला येऊ दे वाडयाच्या ग आत
बंदू माझ्याला किती सांगू त्याला जोडावं दोन्ही हात ।
दिवस उगवला येऊ दे वाडयाच्या वरयीता
माझ्या त्या बंदूजीला औक मागती पुरईता ।
दिवस उगवला उगवताना पाहीईला
ताईता बंदुजींनी बेल वटीचा वाहीईला ।
माझ्या मनींची हौस मी ग सांगते दम धरा
राम अवतारी डोरलं वर जाळीचा मणी करा ।
आयेव येवढं लेणं डाळी डोरल्यामधी पेटी
लेते कंथाच्या राजवटी ।
डाळीच्या डोरल्यामधी काळी दुल्लड झोकं खाई
भ्रतार म्हणीती ह्या ग डोरल्याचं नाव काई ।
लाल पिंजरीचं कुंकू पैशाला पैसाभार
लेणं कंथाचं आनिवार ।
कंथ हावशा माझ्याच्या डाव्या डोळ्याची तराटणी
मी का अंतरीची शहाणी देते हासत पिया पाणी ।
पिकल्या पानायाचा विडा सुकूनी वाया गेला
माझे तू बहिणाबाई कंथ रुसला पड पाया ।
सासुरवासिनीचं तिचं गरिबावानी जिणं
चुकल्या कामासाठी तिला बोलावं जेनं तेनं ।
सासुरवासिनीची तिची मजला येती माया
तिच्या सिनेची माझी सया ।
थोरल्या घरची सून काय नशीब तुझं थ्वार
वैनी म्हणत्याती दीर ।
कृष्णाबाईच्या पाण्यानं पाय कशानं झालं वलं
दीर बाळीचं माझ्या आलं ।
थोराच्या घरी गडीमाणूस राबत्याती
सासर पाटील धनी राज्याला शोभत्याती ।
गाडीच्या बैलाला चाल पडली मैलाची
दीर माझ्या या राजसाची दृष्ट काढते धन्यासंगं बैलाची ।
बारव हिरीवरी घडी चापितो धोतराची
दीर हावशा माझ्याला दृष्ट झालीया पाखराची ।
मोठं नी मोठं वाटनी जात्याल्या माणसाचं
दीर माझा बाई बार भरतो बंदुकीचं ।