TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह १७

ओवीगीते - संग्रह १७

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

उचकी लागयिली का ग उचकी तुझी घाई

आत्ती माजी तू मावळणी सई काडली कशापाई ।

जिवाला जड भारी कोर्‍या कागदी जल्दी लिवा

आत्ती माजी ती मावळन दुरल्या देशाची यील कवा ।

हिरव्या चोळीवरी कुनी काडिली गवळण

सया नारीला सांगू किती हाई हौसची मावळन ।

मावळनी आत्याबाई एका म्हायारी दोगी जावू

माजे बापाजी तुमचे भाऊ ।

मावळन आक्काबाई तुमच्या बुगडयाखाली काई

तुमची भावज आमची आई ।

तुळशी घाली पानी त्याबी तुळशीखाली झरा

बया माज्या मालनीचा पतीव्रतीचा नेम खरा ।

जिवाला माझ्या जड कसं कळालं माज्या आई

अंगनी हुती जाई कळ्या पडती घाईघाई ।

पंढरीला मी जाते संगं न्ह्यावं मावशीला

सोन्याच्या कळशीत पानी घालिते तुळशीला ।

अंबारीचा हत्ती साजासकट उबा केला

वडील बोलत्याती बाळ अंदान दिला तुला ।

पावन्या परकारु करतो शोजीचा मलीदा

वडील म्हेवयीनी आली जिवाचा कलीदा ।

दिव्याला भरयानं घाला दिव्याला जोडवात

वडील म्हेवयीनी गुज बोलू या सारी रात ।

देऊनी घेऊयीनी न्हाई पुरत डोंगर

वडील भयीयीनी तुज्या बोलाचा आदार ।

पाटानं जातं पानी ऊस पिवूनी खपलीला

आज्जी मालन हांक मारी लेकीसंगट नातीयीला ।

सासुरवासनीला तिला कोंबडा वयीयीरी

पाटच्या पार्‍यामंदी भांग देतूया दुयीयीरी ।

लेन्याबीमंदी लेनं मनी डोरलं कानी फुलं

कपाळीचं ग माजं कुंकू जसं आकाशी चंद्र डुलं ।

मावळ्याचा घरी भाची पावनी चंद्रावळी

केली चिंचची पत्रावळी ।

लावनीचा आंबा त्येला मुरबाची भर

शामा नटव्या बंदुजीला मी का न्ह्याळीती खालीवर ।

लेण्यामंदी लेणं जोडवी चांदी चोख

ह्या सर्वा ग मंदी बाई कुंकू माज मारी झाक ।

थोरलं माजं घर हंडीगल्लास लोंबत्याती

माजं ती बाळराज धनी वाडयाला सोबत्याती ।

पंढरीची ग कुंकू मला महिन्याला लागी धडा

बया माजीला किती सांगू लेकी सुनांनी भरला वाडा ।

Translation - भाषांतर
N/A

References : N/A
Last Updated : 2007-12-09T20:22:41.6270000

Comments | अभिप्राय

Comments written here will be public after appropriate moderation.
Like us on Facebook to send us a private message.

अंगधट

  • a  Of bullying or overbearing manners. 
RANDOM WORD

Did you know?

यज्ञोपवीत ( जानवे ) म्हणजे काय? त्याला किती दोरे असतात? त्याच्या गाठीला काय म्हणतात
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,108
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 326,018
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.