TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ८०

ओवीगीते - संग्रह ८०

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

पाटानं जातं पानी सपाट बाई व्हातं

पानी अंजीबीराला जातं ।

माळ्यानं केला मळा माज्या बंदुनी कला बाग

शिनच्या गडयींनी मला अंजीर तोडू लागं ।

देवामंदी देव देव कुंडलिक किती धट

त्येंनी धारला दिला मठ ।

देवा महादेवाला रात झाली नात्यापुत्याच्या बाजारात

गंगा गिरजा वाट पहाती उभी कमानी दरवाज्यात ।

नदीच्या पलीकडं कोन पतंग अंग धुतो

वानीचा माजा बंदु चंद्रासारीका ढाळ देतो ।

शेजीच्या बंदुसंगं उबा र्‍हाऊनी अंगनात

आपल्या बंदुसंगं वस्ती करावी जंगलात ।

शिंदी शाई तोडं त्येंची घडन सातार्‍याची

माजी ती भैनाबाई सून लाडकी सासर्‍याची ।

जावाई मनुष्याच्या त्येच्या चौकबीटीला सोनं

माज्या बाळ्या पायगून ।

दिवाळी दसरा एका म्हईबीन्यात दोन

वानीच्या माज्या बंदु तुमा घरी मी पावयीन ।

शेजी इच्यारीती, माजं अंगान वलं झालं

वानीच माज बंदु भाऊबीजेला राती आल ।

लोकाच्या आयारानं झाला मांडव लाली लाल

माज्या बंदुच्या आयाराची आली परात हिरवीगार ।

लोकाच्या आयारानं माज्या मांडवी झाली दाटी

माज्या बंदुच्या आयाराची आली परात जरीकांठी ।

लोकाच्या आयाराची घडी ठेवली खुंटीवर

माज्या बंदुच्या आयाराचा जरी पदर पाठीवर ।

लोकाच्या आयाराची उगीचच ऊरफोड

माज्या बंदुच्या आयाराची जाव मालनी घडी मोड ।

ऊंच ऊंच चोळ्या घरा मागली शेजी लेती

मावली बाई माजी तिच्या परास चड घेती ।

तांबडया लुगडयाची निरी रुतती माज्या पोटां

चुडया माज्याच्या जिवावर मला शालूला काय तोटा ।

परटीन धुनं धुती लिंब देते मी ताजी ताजी

चुडया माज्या या राजसाची दोनी धोतरं अमदाबाजी ।

परटीन धुनं धुती लिंब देते मी रसायाची

माज्या बंदुजीची दोनी धोतरं वासायाची ।

समोरल्या सोप्यां तान्या बाळाचं हातरुन

लिंबू टाकीते उतरुन ।

पाळक पाळना वर खेळना परकराचा

माज्या बाळायाचा मामा मैतर जिनकराचा ।

मोटं नि मोटं डोळं, डोळ ठेवीतो ठेवनीला

माजी ती तानीबाळं रोपं सुरुची लावनीला ।

बुट्‌टीचं दळयीनं बाई त्ये दुरडीमंदी आलं

बया माज्या ग मालनीचं दिवस नाचाबीराचं गेलं

बाळ जोडीला तिच्या आलं ।

संपता आली म्हनूं लाडू बुंदीचं लागं कडू

गेली संपता निगूयींनी करडं अंबाडया लागे वाडू ।

सुबाना संतूबाई तुजी खंगाबीळली न्हानी

वानीचं माज बंदू हिर सापबीडलं दोनी ।

समरत सोयीयीरा करबीनीला भेला

आयारावरती शेला चड बंदूनी माज्या केला ।

Translation - भाषांतर
N/A

References : N/A
Last Updated : 2007-12-09T20:25:02.8800000

Comments | अभिप्राय

Comments written here will be public after appropriate moderation.
Like us on Facebook to send us a private message.

midgut

  • न. Zool.मध्य आंत्र 
  • (also mesogaster) 
  • मध्यांत्र 
  • मध्यआंत्र 
More meanings
RANDOM WORD

Did you know?

सोळा मासिक श्राद्धें कोणती ?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,751
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,781
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.