TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ३०

ओवीगीते - संग्रह ३०

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

बहिणीला बघू आले तट्‌टयाच्या गाडीतून

दावा हंजीर शेल्यातून ।

पिकलं म्हणू बाई जन बोलती दिवानात

घाला बुचाड लवणात ।

रुसला भरतार कोच्या रीतीन समजावा

बहिणीला सांगयीती त्याच्या आडवा गोपा द्यावा ।

रुसला भ्रतार जसा भिलीनीवरला नाग

बया गौळण सांगती त्येच्या परमानं तूबी वाग ।

रुसला भरतार उशाला तलवार

बाई म्या हासूनी केला गार ।

सकाबीळच्या पार्‍या शेणापाण्यात माझा हात

सर्गी गेलेल्या सासर्‍याचं हाईती बैल गोठयायात ।

माळीण सादविती घ्या ग पुण्याची पिवळी माती

भावज गुजर सारविती रंगमहालाच्या आडभिंती ।

बहिण

आमी ग चौघी भैनी चारी गावच्या खारका

मैना ग माझी सरु मधी नांदती द्वारका ।

आमी ग चौघी भैनी चारी गावाचे कळस

मैना ग माझी सरु मधी नांदती तुळस ।

निरोप मी का धाडी माझा निरोप जाऊ राहू

मैना ग माझे सरु आडवळणी तुज गावू ।

काळी ग चंद्रकाळा एका धुण्यानं झाली बोळा

माझ्या ग बंदवानं रुपये दिले साडे सोळा ।

सासू

सासू आत्याबाई हात जोडीते तुम्हाला

दिवाळीचं मूळ नका परतवू रामाला ।

सासू आत्याबाई हात जोडीते बसूनी

दिवाळीचं मूळ राम चालले रुसूनी ।

सासू आत्याबाई सोनीयाच्या तुमच्या मिर्‍या

जलमाला जावो आमच्या कुंकवाच्या चिर्‍या ।

सासू आत्याबाई सोनियाचे तुमचे गोट

जलमाला जावो आमचे कुंकवाचे बोट ।

नवरा

गावाला गेल्या कुण्या असं कसं येणं जाणं

सुकूनी एवढे गेले माझ्या रतीबाचे पान ।

गावाला गेल्या कुण्या किती सांगू मी धीट

दारामधी बाई उभी अवचित झाली भेट ।

झाल्या ग तिन्हीसांजा दिवे लाव ओसरीला

भ्रतार माझ्या राया सोडा वासरु गाईला ।

झाल्या तिन्हीसांजा दिवे लावू मी कुठं कुठं

माझ्या ग भ्रताराचे चिरेबंदी बाई गोठं ।

कचेरीच्या ग पुढं हिरवा कंदील जळतो

भ्रतार माझा राया एवढा वकील बोलतो ।

जाऊ ग माझे बाई पलंग काढ ग झाडूनी

भ्रतार माझा राया उभा मंदील काढूनी ।

भावजये ग बाई तुझा पलंग पारुसा

भ्रतार माझा उभा हाती रुमाल आरसा ।

Translation - भाषांतर
N/A

References : N/A
Last Updated : 2007-12-09T20:23:00.2030000

Comments | अभिप्राय

Comments written here will be public after appropriate moderation.
Like us on Facebook to send us a private message.

अमिद

  • ( शाप . ) अम्रसंयुक्तद्रव्य . ( इं . अमाईड ) 
RANDOM WORD

Did you know?

जेवण उष्टे सोडून अन्नाचा अपमान करणार्याला विविध शास्त्र, पुराणात काय शिक्षासांगितली आहे कृपाया संदर्भासह स्पष्ट करणे .
Category : Vedic Literature
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,108
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 326,018
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.