TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ४१

ओवीगीते - संग्रह ४१

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

शिपाई शिलेदार हाती बंदूक आयन्याची

सावळा बंधु राजा रजा मागतो महिन्याची ।

वाटवरल्या मळ्यामंदी आल्या गेल्याची उस्तवारी

बंधु धाकटा कारभारी ।

बारीक गळा एवढा नका गाऊस मोटेवरी

तांब्याच्या घागरी उभ्या गौळणी वाटेवरी ।

बंधुजी सासुरवाडी जातो हायी इथून बारा कोस

त्याला नटाई लागं दीस ।

पाची प्रकाराचं ताट वाटी तुपाची कुठं ठेवूं

माझ्या तू बंधुराजा चल प्रीतीच्या दोघं जेवूं ।

मध्यान पालटली मला उचकी लागली

माझ्या त्या बंधुजींनी कुरी तासाला उभी केली ।

माहेराला जाते आडवं येत्याती भाऊभाचं

माझं माहेर दैवाचं ।

सोपा माळी बांधुनी जोतं आलया आकाराला

शेला रुमाल सुताराला ।

बंधुजी बांधी माळी भावा पडला विचार

लावा गवंडी सुतार ।

बंधुजी बांधी माळी मोठी ढेलज नाही जागा

परसदारानं तुम्ही वागा ।

सांगूनी मी धाडी बाळा माझीया सासूईला

संभाळ कर बाई तिच्या डोईच्या केसाईला ।

नदीच्या पलीकडं लेक देवूनी झाली वेडी

आंब्या दादाला हात जोडी ।

लेकीचा जन्म बाई जसा गारवीचा सोपा

आईबापानं केली जोपा ।

नांदाई गेली बाळ वाट लागली मुरमाची

माझी तू बाळाबाई बोटं सिनली इरुद्याची ।

सासरी जाती बाळ बाप म्हणे जा ग बाई

जन्म दिलेली माझी आई मागं हंबरीती गाई ।

सासरि जाती बाळ पुढं बंधूजी मागं पती

माझी तू बाळाबाई मधी चांदणी शोभा देती ।

नांदाई जाती बाळ बाप बघीतो खालीवर

माझी तू बाळाबाई सत्ता चालेना तूजवर ।

नांदाई जाती बाळ तुला कश्याला गाडीघोडं

आलं मोटार वाडयापुढं ।

नांदाई जाती बाळ घोडं लागलं चढणीला

माझी ती बाळाबाई हात करी गडणीला ।

पाण्याच्या जाळीमदी मगर माशाचा बंगला

लेकीच्या जन्माला धनी असावा चांगला ।

Translation - भाषांतर
N/A

References : N/A
Last Updated : 2007-12-09T20:23:22.6370000

Comments | अभिप्राय

Comments written here will be public after appropriate moderation.
Like us on Facebook to send us a private message.

भूमिंजय II.

  • n. एक कौरवपक्षीय योद्धा, जो द्रोणाचार्य के द्वारा निर्मित गरुडव्यूह के हृदयस्थान पर खडा था [म.द्रो.१९.१३-१४] 
RANDOM WORD

Did you know?

Are there any female godesses in Hinduism?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 644,289
  • Total Pages: 46,537
  • Hindi Pages: 4,555
  • Dictionaries: 44
  • Words in Dictionary: 302,181
  • Marathi Pages: 27,517
  • Tags: 2,685
  • English Pages: 234
  • Sanskrit Pages: 14,230
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.