TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ४८

ओवीगीते - संग्रह ४८

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

सासूचा सासुरवास नंदाचा जयजयकार

तढी मी नांदती बाई तलवारीची धार ।

सासू ग सासरे तुले चौघेजण देर

गवळण पारबता मही भाग्याची गऊर ।

सासू शिकावते सुनाले शानपन

लानाले देर तुहे लागते वागवन ।

सून सावित्रा उचल पंक्‍तीचे डवणे

जेऊनी उठले तुहे नंदोई शहाणे ।

सून सावित्रा उचल पंक्‍तीच्या पत्रावळ्या

जेऊन उठल्या नंदा तुझ्या लेकुरवाळ्या ।

सून सावित्रा उचल पत्रावळाच्या पंगती

जेऊन उठले तुह्या चुडयाचे सांगाती ।

सासूसासर्‍याचा आशीर्वाद घेन सुने

त्याहीच्या आशीर्वादानं फयाची नाही उने ।

सासर्‍याले गेली माजी मयना गुनाची

मले सय होती तिच्या आडानपनाची ।

सासर्‍याले गेली गेली हासत खेळत

बाई माज्या मयनाले नाही अजून कळत ।

मह्या दारामंधी सांडलं कुंकू पानी

नव्यानं भैना माजी सासर्‍याले गेली तान्ही ।

सासर्‍या चालली मैना लाडाचा ग फोड

नवाळी माजी मैना चुलते मागं पुढं ।

सासर्‍या चालली मैना माजी ग लाडाची

लेका अर्जुनाची वरी सावली ताडाची ।

सासरी जाते येळी घाडा लागला चरणी

बाई माझ्या नेनंतीच्या उभ्या मैनाच्या गडणी ।

सासरी जाते येळी सयाले पुसा ना

नवाळी माजी बाई हरण गळ्याची सुटा ना ।

शिंपीन शिव चोळी शिव आखूड बाह्याची

नवाळी माजी बाई मैना सासरी जायाची ।

सासरी जाते येळी बाप म्हने जाय बया

आईची येडी माया लांब येती समजाया ।

सासरी जाते येळी माय धरती पोटाशी

मयना माजे बाई कदी हरणे भेटशी ।

सासर्‍याले जाते पुडला पाय मागे घेते

नादान माजी बाई मांगे मुर्‍हायी मांगते ।

दिवाळी दसरा माज्या जिवाले आसरा

आत्याबाई माजे मूळ पाठवा उशीरा ।

सासू आत्याबाई पाया पडू द्या वांग्यात

दिवाळीचं मूळ मले जाऊ द्या टांग्यात ।

सासू आत्याबाई पाया पडू द्या पायरी

दादा आले मुये मले जायाचे माहेरी ।

Translation - भाषांतर
N/A

References : N/A
Last Updated : 2007-12-09T20:23:36.9470000

Comments | अभिप्राय

Comments written here will be public after appropriate moderation.
Like us on Facebook to send us a private message.

rank order statistics

  • क्रमानुक्रम नमुनाफले 
RANDOM WORD

Did you know?

समाधीबद्दल अधिक माहिती मिळावी. स्त्रीयांना समाधीचा अधिकार आहे काय? वयाची अट आहे का?
Category : Hindu - Philosophy
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,751
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,781
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.