TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ७

ओवीगीते - संग्रह ७

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

हिरव्या चोळीयिला मी ग रुपया सारियेला

चोळी गर्भीण नारीयीला ।

पहिल्यांदा गरभीण करती केळाच्या केळवडया

जाती गर्भीणीच्या वाडया ।

सोनं बी झालं स्वस्त सव्वा रुपया झालं तोळा

माझी ग बाळाबाई हौशा कंथाला दावी गळा ।

आला जावाई पाव्हणा शेजी म्हणती आता कसं

हैती साठयाला अनारसं ।

साखरेचे लाडू परात भरुना

आली सासर करुनी उषाताई ।

शिव शिंप्या चोळी चोळी आखूड बाह्याची

लेक सासरी जायाची ।

शिव शिंप्या चोळी मोती देते मी पसापसा

चोळी जायाची दूरदेशी ।

शिव शिंप्या चोळी काढ कसूदा कोथिंबीरी

उषाताई ती किती गोरी ।

सावळ्या सुरतीवर मोडया बायांचा ताटवा

सावळा भाऊराया भरजानीचा नटवा ।

लावणीचा आंबा कुणी तोडीला पत्ता लावा

मामाच्या लेकीसाठी भाच्या बाळांनी केला दावा ।

सोनसळी गहू बाई मी घंगाळी वलवीते

धाकल्या सावळ्याला भाऊबीजेला बोलवीते ।

साती सुगरीनी भट्‌टी बिगाडली लाडवाची

नंद कामिनी सुगरण आता येऊ दे मालकीची ।

उजेड पडला ग वाटीपरास ताटीचा

कंत जेवितो भाचीचा ।

दिव्याला भरायानं घाली समई जोडवात

गुज बोलाया गेली रात ।

पोटीच्या परास ग मला पुतण्याची गोडी

परान माजा गेला काशीला पिंड सोडी ।

दिवाळीच्या दिशी दिवा करीते कनकीचा

बया माज्या गौळणीचा ल्योक ववाळी जानकीचा ।

सोनसळी गहू सोजी काढीते नकुल्याला

भाऊबीज करीते मी माझ्या ग धाकल्याला ।

मावळणीच्या घरी भाचा केळीन पाणी आणी

सखी मेव्हनी केली राणी ।

बारीक सदर्‍याचा पंख उडीतो भराभरा

बसला सायकलीवरी वसंत माजा हिरा ।

दिष्ट नि झाली म्हनू माज्या टाळूचा गजर्‍याला

चांदीची बटण तुज्या रेशमी सदर्‍याला ।

लुगडयाची घडी माज्या तळातात झाकली

भैन भावात एकली ।

Translation - भाषांतर
N/A

References : N/A
Last Updated : 2007-12-09T20:22:21.9570000

Comments | अभिप्राय

Comments written here will be public after appropriate moderation.
Like us on Facebook to send us a private message.

televise

  • दूर दर्शवणे 
  • दूरदर्शनवर दाखवणे 
RANDOM WORD

Did you know?

एखाद्या वास्तुला वास्तुशास्त्रानुसार कोणतेच उपाय नसल्यास, मग कांहीे उपाय आहे काय?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 644,289
  • Total Pages: 46,537
  • Hindi Pages: 4,555
  • Dictionaries: 44
  • Words in Dictionary: 302,181
  • Marathi Pages: 27,517
  • Tags: 2,685
  • English Pages: 234
  • Sanskrit Pages: 14,230
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.