TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह २६

ओवीगीते - संग्रह २६

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

सरलं दळान माझी उरली वंजळ

माहेरच्या दारी सोन्याची तुळस न्‌ मोत्यांची माळ ।

सरीलं दळण सरलं म्हणाया लाज वाटं

बंधुच्या वाडयात कणगी बळात सोप्या दाटं ।

दिवस उगवला जसा आगीचा भडका

तेचीया उजेडानं दिसती माहेरच्या सडका ।

सत्य नारायण देवा तुझं सत्त्व सोडूं नको

माझीया बंधुजीला गळ कशात पाडूं नको ।

पाण्याला जाती नार तिचं पाण्यावर नाही चित्त

माझा बंधुजी हिरा झळकतो बारवांत ।

सकाळी उठुनी रांजन धुते मी घाईघाई

माजा ग बंधुजी खांद्या घागर उभा राही ।

जिवाला वाटतं गांवा कुणाच्या जाऊं नाही

बया मालनी शिवाय भेट कुणाला देवूं नाही ।

भरल्या बाजारात ऊंच दुकान अत्ताराचं

लाडके भैनाबाई राज्य अखंड भ्रताराचं ।

सासूचा सासुरवास शीलवंताचे मुली सोस

माझी तूं बाळाबाई हे ग जातील दोन दिस ।

सूनेला सासुरवास सासू कैकयीनं केला

रामासारखा भ्रतार नाही सितेला भोगू दिला ।

भ्रताराची सेवा करावी अदरानं

कुमुदीनी भैनाबाई पाय पुशीती पदरानं ।

सासू सासरा आधी देवाला मागावं

कुमुताई भैनाबाई मग माहेर भोगावं ।

सासू सासरा आहे दैवाच्या जांवायाला

बंधु माझा राजस जातो दिवाळी जेवायाला ।

नार ही लेनं लेती ईस पुतळ्या कवाकवा

कपाबीळीचं कुंकू नित दागिना माझा नवा ।

शजी नेसती ईसाचं माझं तीसाचं दांडीवर

काळी ती चंद्रकळा हौशा कंताच्या मांडीवर ।

माहेरला जाते तुझ्या माहेरी काई काई

देवानं मला दिले भावापरास भाचे लई ।

मावशी म्हणुनी हांक मारिली मला कुणी

सतीश बाळायानं माझ्या बहिणीच्या बाळायानी ।

माडीचा जानवस कोण मागते हावशी

आक्का ती भैनाबाई नवर्‍या बाळाची मावशी ।

जोडीच्या मायाबहिणी मी का जोडील्या देशोदशी

मोहिनी माझ्या गावापाशी ।

जोडीली मायाभैन मैना ती ग परजातीची

हाती पेढयाचा ग पुडा आली मध्यानरात्रीची ।

Translation - भाषांतर
N/A

References : N/A
Last Updated : 2007-12-09T20:22:54.9370000

Comments | अभिप्राय

Comments written here will be public after appropriate moderation.
Like us on Facebook to send us a private message.

endothoracic fascia

  • अंतर्वक्ष प्रावरणी 
RANDOM WORD

Did you know?

जानवे म्हणजे नेमके काय ?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 644,289
  • Total Pages: 46,537
  • Hindi Pages: 4,555
  • Dictionaries: 44
  • Words in Dictionary: 302,181
  • Marathi Pages: 27,517
  • Tags: 2,685
  • English Pages: 234
  • Sanskrit Pages: 14,230
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.