TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ३३

ओवीगीते - संग्रह ३३

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

बहिणीच्या गावा जाया भाऊ सांगतो बारा गडी

सासरवाडी जाया सोडी नांगर जुंपी गाडी ।

सासरवाडी गेला तुला पेहरावा काय केला

हावशा बंधु माझा पाय तोडयाचा दावी मला ।

सासरवाडी जातो मला म्हणतो जतरेला

बुंदीच्या लाडवाची खूण नकीच्या धोतराला ।

उन्हाळ्यांच ऊन नकी तापली धोतराची

ताईत बंधवाची सुरत कोमेली चतुराची ।

हावशा माझा बंधु उद्या जायाचा जतरला

परटीण धुणं धुती साबण लावी धोतराला ।

परटीण धुणं धुती लावी साबण पटक्याला

हावशा माझा बंधु उद्या जायाचा नाटकाला ।

लावणीचा छान ऊस उभा निरगुडी फोंकात

ताईत माझा बंधु उभा कॉंग्रेस लोकात ।

हिरवीगार चोळी कुण्या हौशानं घेतली

चतुर बंधुजींनी वर मुंबई लिहिली ।

समोरच्या सोप्यां मी ग टाकिते खुर्ची बाक

बंधुचया संगतीनं इथं येतात राजेलोक ।

काम करिते घरामधी जीव माझा रानामधी

माझ्या ग बंधवाच्या जोडी खिल्लारी हातामधी ।

उन्हाळ्याचं ऊन चैतापरास वैशाखाचं

माझ्या ग बंधुजीचं गोरेपण सायासाचं ।

गावाला गेला कुण्या माझ्या झुब्याची तोडेकरी

चतुर माझा बंधु सखा दृष्टीनं झाला जार ।

गावला गेला कुण्या खरं वाटना कामिनीला

तान्ही ग मैना माझी शेला बघती वलनीला ।

गावला गेला कुण्या मला वाटतं येडयावाणी

चतुर माझा बंधु गाव दिसतं खेडयावाणी ।

गावाला गेला कुण्या जीव लागला माझा सारा

पुढं पाऊस मागं वारा ।

गावाला गेला कुण्या जाते सायकल घरोघरा

धरतरी घाली वारा जीव लागला माझा सारा ।

लेकी मैनाचं चांगुलपण झाली सोयिर्‍याची धन

हावशा बंधु माझा चंद्र वाडयाला राकण ।

काळी ग गरसोळी माझ्या कंठी लहर्‍या मारी

चतुर माझा बंधु तुझ्या सोन्याला मागं सारी ।

चुडयाचं ग सोनं पिवळं हाडूळ

हावशा बंधवानी केली पारख वाडूळ ।

मोटईचं पाणी पाणी वाजतं पुरावाणी

चतुर माझा बंधु नाचे मोरक्या मोरावाणी ।

Translation - भाषांतर
N/A

References : N/A
Last Updated : 2007-12-09T20:23:04.6400000

Comments | अभिप्राय

Comments written here will be public after appropriate moderation.
Like us on Facebook to send us a private message.

trackage

  • पटरी प्रभार 
RANDOM WORD

Did you know?

स्पंदशास्त्र हे काय आहे?
Category : Hindu - Philosophy
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,751
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,781
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.