TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ७४

ओवीगीते - संग्रह ७४

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

लांब लांब केस वेणी येते ग केसांची

तुला हौस लेकाची वहिनीबाई ।

माझ्या ग आयुष्याचा विणते मी लेप

आता दादाराया पांघरा बापलेक ।

गायी आल्या गाई आल्या करवली

बंधवाला पाट मी मांडिते ।

माळ्याला शिडया मी लाविते

साळी डाळी मी काढीते ।

दुधाचं आंदण ठेविते

साळी डाळी येळीते ।

गुळाचं लिंपाण फोडिते

बंधूला भोजन वाढिते ।

काळी चंद्रकळा पदरी रामबाण

मायबाई नेस तुला माझी आण ।

काळी चंद्रकळा पदरी मोती जाळी

माझी मायबाई नेसली संध्याकाळी ।

काळी चंद्रकळा वर कशीदा भिंगाचा

आता मायबाई तुला प्रसाद गंगेचा ।

काळी चंद्रकळा फेकुनी दिली अंगणात

आता बाबाराया आणाया गेला बाजारात ।

बया नि म्हणू बया, बया चंदबीनाची शिडी ।

बया तंवर माझी उडी ।

बाप नी म्हणू बाप, बाप चंदबीनाचा पाट

बाप तंवर माझा हाट्‌ट ।

आई बापांनी दिली लेक, खेड सोडूनी कोकणात

लेक बापाच्या सपनात ।

लांब नी लांब क्यास बयाबाईनं वाढविलं

बाप्पाजी दौलतीनं पाणी गंगेचं आडविलं ।

लुगडं घेतईलं आत रेशमी न्हाइ काडी

सावळ्या भाऊराया न्हाई नेसत घाल घडी ।

लुगडं घेतईलं दोन्ही पदर राजाराणी

माहेर मला केलं, माझ्या बंधूच्या मैतरानी ।

लुगडं घेतईलं, दोन्ही पदर मोतीघस

माझे तू बाळाबाई, द्रिष्ट हुईल खाली बस ।

वैराळ सादवितो, आदी सादीव वईल्या येशी

बया राहिली परदेशी हाट्‌ट करु मी कुणापाशी ।

वैराळ सादवितो चुडे लियाच्या बाया किती

बया माझी ती मालईन लेकी सुनांची नांवं घेती ।

वैराळ सादवितो बस सोप्याच्या पायरी

मी जायाची सासरी बया गेली या बाहिईरी ।

माझ्या आंगायाची चोळी शिंपी दादाला काय ठावं

बंधू आपली भूज दावं ।

बहिणा चालली सासरी नको रडूस माळावरी

घाल पदर बाळावरी ।

सासर एवढा वस जिर्‍या मि‍र्‍याबी याचा घस

माझे तू बहिणाबाई जातीवंताचे लेकी सोस ।

सासर एवढा वस जसा डोंगरी आल्या महू

तिथं नांदून मला दावूं ।

लेकाया परायास लेक कशानं उनी झाली

आईबापाला गाते ववी कैलासी ऐकू गेली ।

Translation - भाषांतर
N/A

References : N/A
Last Updated : 2007-12-09T20:24:49.8700000

Comments | अभिप्राय

Comments written here will be public after appropriate moderation.
Like us on Facebook to send us a private message.

जिवास मुकणें

  • मरणें 
  • मृत्‍यु पावणें 
  • अंत होणें 
  • प्राणार्पण करणें 
More meanings
RANDOM WORD

Did you know?

कोणत्याही पूजेसाठी गणपती म्हणून चिकणी सुपारीला महत्व आहे, मग बाकीच्यांना कां नाही?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 644,289
  • Total Pages: 46,537
  • Hindi Pages: 4,555
  • Dictionaries: 44
  • Words in Dictionary: 302,181
  • Marathi Pages: 27,517
  • Tags: 2,685
  • English Pages: 234
  • Sanskrit Pages: 14,230
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.