TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ८२

ओवीगीते - संग्रह ८२

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

आधी गाईल बाप्पा बया मग गाईल देवा तुला

बाबा माझ्या बयानीं उदरी जागा दिला ।

सांगुनी धाडीते दूर देशीच्या जांवायाला

किड लागली शेवायाला ।

जांवयाची जात कुंपावरील दोडका

पोटीचं देऊनी झुंजतो रेडका ।

नको म्हणूं नारी जांवई माझा माझा

पोटीचं पुत्रराज लावी पिठाला बगा धजा ।

दुबळा भरितार भाजीपाल्याची आणी मोट

आतां ग माझे बाई सोड अबूला बोल नीट ।

भरताराचं सुख काय सांगती गोतांत

सोडी कंबरचा शेला करी सावली शेतांत ।

भरताराचं सुख काय सांगती जील्लट

पेटरीचा नाग घडोघडीनं उलट ।

सासू आल्याबाई बारव चित्र्याची

करीते राजी तुझ्या मी हिर्‍याची ।

सांगुनी धाडीते मुंबईपासुनी कलकत्त्याला

सोन्याची घुगरं बंधु माझ्याच्या अडकित्त्याला ।

सासू नि सासयीरा दोन्ही देवाच्या मूरती

दीर दाजीबा गणपती नंदा माझ्या धुरपती ।

कुंकाचा करंडा सासू पुसती सुनेला

सून सावित्रीसारखं असं दैव कुणाला ।

काय बघतो भीरी भीरी घरी चालली मारामारी

आतांच्या राज्यामध्ये नवी निघाली केसरी ।

वाटेचा वाटसरू करीतो पाणी पाणी

भाऊच्या मळ्यामधी चावर्‍या मोटा दोनी ।

वाटवरलं शेत माझं चिमणाबाईचं माह्यार

बंधवानी माझ्या केल्या गोफणी तय्यार ।

भाऊची कमाई बघाया गेलें काल

होती काळी माती वर उगवले मोती लाल लाल ।

भाऊची कमाई बघाया गेलें शेती

होती खाली काळी माती वर उगवले मोती ।

भाऊच्या मळ्यामधीं पिकला लसूण

उंच गेला ऊंस पाणी भरते बसून ।

पट्‌टीचा शेतकरी जन बोलती गावात

बंधवाच्या माझ्या राशी बुडाल्या पेवांत ।

वाटवरलं शेत आल्या गेल्याचा लिंबूर

बंधवाच्या माझ्या भाग्यवंताचा नंबर ।

सासूरवासिनी माझ्या बंधूच्या बहिणी

खांद्यावरी माळ आला वैराळ होऊनी ।

झाली सईसांज जात्या तुझी काय घीरघीर

दादाचं माझ्या आहे सई खटल्याचं घर ।

दुबळा पावळा बंधू बहिणीला असावा

भुरकी चोळी एक रात्रींचा विसावा ।

भावजयीबाई भर ओसरीचा केर

पाटील तुझे दीर सभा आली जोत्यावर ।

दिवाळी बाई तुझं बिगी बिगी येणं

भाऊ भाचीयाचं कूळ उजवाया जाणं ।

दिवाळीच्या दिवशी थाळी माझी जड जड

बाळपटी चोळीवर दंडोळीचा जोड ।

Translation - भाषांतर
N/A

References : N/A
Last Updated : 2007-12-09T20:25:07.0870000

Comments | अभिप्राय

Comments written here will be public after appropriate moderation.
Like us on Facebook to send us a private message.

बापशेट-बाप (ब) शेटीची पेंड-पेठ-पेढी

  • बापशेट नांवाचा एक मोठा श्रीमान्‍ व उदार माणूस असावा. वाटेल त्यानें वाटेल तितका माल न्यावा अशी त्याच्या घरची व्यवस्था दिसते. यावरुन 
  • कोणासहि सहज मुबलक मिळणारी गोष्ट, विपुल व सुसाध्य गोष्ट. 
  • फुकट मिळालेली म्हणून वाटेल तशी खर्चली जाणारी गोष्ट. 
RANDOM WORD

Did you know?

घर के मंदिर में कौनसी बातों का ध्यान रखना चाहिये?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,893
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,717
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.