TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ५२

ओवीगीते - संग्रह ५२

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

अस्तुरीचा हात पुरुषाच्या हातात

वचन दिलं बाई हिरव्या मांडवात ।

साळू सासर्‍याला जाती आन म्या बांधिले गोडधोड

भूक लागल तिथं सोड ।

साळू जाती सासर्‍याला आयाबायाची लामन

संगं सवळ्याचा बामन ।

साळू जाती सासर्‍याला तिच्या वटीला कवळदान

संगं मुराळी गाडीवान ।

साळू जाती सासर्‍याला ढेळजाला उभ्या राहू

सया बोलल्याता तुझ्या मैनाला वाटं लावूं ।

सासरी जाताना सयाला पुसना

नेनंती बाई माजी हरन गळयाची सुटना ।

सासरी जाताना माया धरीती पोटाशी

शोभाताई माझे कधी हरनी भेटशी ।

सासरी जाते येळी घोडं लागलं चडनी

बाई माझ्या नेनंतीच्या उभ्या मयनाला घडनी ।

सासरी चालली सखे बाई ग लाडाची

वर्‍हे सावली ताडाची तिच्या ग बांदवाची ।

माझ्या ग दारामधी सांडलं कंख पानी

नेनंती माझी मैना सासर्‍याला गेली तानी ।

उंच वसरीला कोन निजला सावळा

माझ्या नेनंत्याचा हात उशाला पिवळा ।

गोठ पाटल्याचा हात कंथाच्या उशाखाली

नेनंत्या बाईला पिरतीची झोप आली ।

भरताराचं राज्य काचाचा बंगला

सुखाचा वाटतो कुंखाच्या ग धन्याला ।

राज्यामंदी राज भोळ राज भरताचं

हळदी कुंखाचं उघडं पाल अत्ताराचं ।

भरताराचं सुख सांगते देवा घरी

कुंकवाच्या करंडयाला खिडक्या नानापरी ।

सासूचा सासरवास नंद तुम्ही हळू बोला

नेनंत्या बाईईचा कंथ बाहेरुन आला ।

यवढा सासूरवास नको करु मायमाता

आपला राम व्हता आली परायाची सीता ।

सासूचा सासरवास कोनापाशी सांगू देवा

भाचा माझा नेनंता मनधरनीचा यावा ।

उन्हाळ्याचं ऊन माझ्या सख्याला सोसना

कुठं सावली दिसना ।

चाफ्या चंदनाची सख्याची नांगरटी

पिकलं पिकलं एका औताला बैल किती ।

पाऊस पडतो रायाच्या शिवारात

गल्ला मावना अंबारीत पानी झालय शेतात ।

तिपनी बाईनं तीनं मनाचा पेरा केला

माझा रासन्या कोमेजला ।

गावाला बाई गेला

सोनं येवढं गेलं माझं ।

जावयाची जात अन्‌ बाई भोंदुन खायाची

बोली सरावन बाळाची कावड काशीला न्यायाची ।

जावई सोयरा जसा चिंचचा आकडा

सदा बोलतो वाकडा ।

जावयाची जात जशी हुलग्याची पेरणी

लेक देऊनीया याची उगीर बोलणी ।

जावयाची जात मोठी बेइमान

मैना आपली देऊनीया शिवी देतो माईहून ।

जावयाची जात कडू लिंबाचा पाला

लेकीबाई मैनारानी तुझ्यासाठीच गोड केला ।

पावन्याला पावुनचार जावयाला दूधभात

लक्ष केलं दान शिवी देतो गोतात ।

Translation - भाषांतर
N/A

References : N/A
Last Updated : 2007-12-09T20:23:46.1300000

Comments | अभिप्राय

Comments written here will be public after appropriate moderation.
Like us on Facebook to send us a private message.

automatic duster

  • = पोवेर् दुस्तेर 
RANDOM WORD

Did you know?

मानवाच्या मनांत शुभ अशुभ विचार चालू असतांत, अशा क्रियेला काय म्हणतात?
Category : Hindu - Philosophy
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 644,289
  • Total Pages: 46,537
  • Hindi Pages: 4,555
  • Dictionaries: 44
  • Words in Dictionary: 302,181
  • Marathi Pages: 27,517
  • Tags: 2,685
  • English Pages: 234
  • Sanskrit Pages: 14,230
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.