TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ६८

ओवीगीते - संग्रह ६८

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


देवीच्या ओव्या

सडा सारवन मला अंघोळीची घाई

पाव्हनी काय आली घाटामाथा कमळजबाई ।

स्वप्नात आली हिरव्या पातळाची नार

घाटमाथा कमळजबाई गळा पुतळ्याचा हार ।

सकाळी उठोनी सडा देते अंगणाला

देवाजी शंकराला एकादश ब्राह्मणाला ।

घाटमाथा कमळजबाई आली स्वप्नी बसावया

सोन्याची सुपली मोती दिलेत निसाय ।

शंकराच्या मांडीवर दिवा जळतो लोण्याचा

उजेड काय पडे कमळजबाईच्या रुपाचा ।

झाडी झडाडती गाव निगडाळ्याची राई

थोरल्या हिंदोळ्यात वाघ अडवितो गाई ।

वाजंत्री वाजत्याती गाव निगडाळ्या पासून

आनंदी कमळजबाई आली रथात बसून ।

आई कमळजबाई घाटावर उभी राहे

तुझ्या माहेराची हवा कोकणाची पाहे ।

आई कमळजबाई तुझा सोन्याचा लंगोर

दैत्य मारुनी केला घाटात संहार ।

आई कमळजबाई उभी राहे दाखनीला

पिकलं कोकण सुख लागले कोकणाला ।

पिकला कोकण जिर्‍या मिर्‍याला आले घड

आई कमळजबाई खेपाला बैल धाड ।

भरली शिवरात्र भरल्या झाडीतूनी

आनंदी कमळजबाई हवा पाहे गाडीतूनी ।

आई कमळजबाई गेली साकेरी पाव्हणी

हाती सर्पाचा चाबूक दिल्या वाघाला दावनी ।

आई कमळजबाई तिथीमधी न्हाली

केस वाळवाया चौर्‍या डोंगरावरी गेली ।

भरली शिवरात्र पानं पडली आत्तराची

आनंदी कमळजबाई शाव भोगी शेंदराची ।

निघाली भिमाबाई दुधा तुपाच्या उकळ्या

देवा शंकरानं जटा सोडील्या मोकळ्या ।

आनंदी कमळजबाई गेली वाडया नहयारानं

जरीचा पदर ईचा भिजला दैवरानं ।

भिमाबाई बोल स्थिर स्थिर भिवराई

येणारा तुझा बंधु आजून आला नाही ।

Translation - भाषांतर
N/A

References : N/A
Last Updated : 2007-12-09T20:24:36.9830000

Comments | अभिप्राय

Comments written here will be public after appropriate moderation.
Like us on Facebook to send us a private message.

क्षीणपुण्य

  • kṣīṇapuṇya a S Of consumed merit; whose merit, the rewards of it having been enjoyed, is extinct. 
RANDOM WORD

Did you know?

लग्न ठरवितांना पत्रिका पाहणे किती योग्य आहे? पत्रिका पाहूनही कांही विवाह अयशस्वी कां होतात?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.