TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ४४

ओवीगीते - संग्रह ४४

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

कंत बोलताती का ग राणी तू गोरी मोरी

माहेराचं सुख माझ्या वीसर जीवावरी ।

रानी बी भर्ताराचा असला उबा दावा

लक्ष्मीबाई बोल इथं उगीच आल्ये देवा ।

लेकाचं भरतार माझ्या अंगणीचा केर

आपला भरतार सिरीकिस्नाचा अवतार ।

शेजीचा भरतार दारातल्या केरावानी

आपला भरतार चाफा फुलला शेजवरी ।

माझ्या माहेरी ग किस्नदेवाची द्वारका

माझ्या त्या भावजया मेळा गौळणीसारखा ।

सासरी जाते लेक हाती भरलाया चुडा

जावई बापू माझा खडीसाखरचा खडा ।

लेकीच्या आईला नका म्हणू नाचारीण

मोत्यापवळ्यांची जवारीण ।

शेजी ती घाली पानी नाही भिजली माझी वेणी

बया ती घाली पानी न्हाणी वाजती वडयावाणी ।

काशी म्हणू काशीम काशी कुण्या खंडामंदी

बया अखंड तोंडामंदी ।

जोवर आईबाप लेकी तंवर तुझी उडी

झाली पुनव पाठमोरी मग चांदाला लागं घडी ।

पाची पक्वान्नांचं ताट आत सोजिची पाखरं

यीन यीवायी झाली ऐका मातेची लेकरं ।

उन्हाळ्याचं ऊन ऊन लागतं माझ्या जीवा

माझ्या वाणिच्या बाळा छत्री उघड सदाशिवा ।

उन्हाळ्याचं ऊन भाजी मिळेना घोलण्याला

माझ्या बंधूच्या मळ्यामंदी आला हरभरा सोलाण्याला ।

आला बंधूजी पावणा दुरडी येळते शेवायाची

माझ्या बंधुजीला वड माघारी जायाची ।

माऊलीची माया जसं तकलाचं पाणी

घाली मंडळ घारीवाणी ।

माऊली परास पिता मोठा उपकारी

दुनिया दावली त्यांनी सारी ।

बंधुजी पावणा न्हाई वरण भाकरीचा

करीते पुलाव साखरेचा ।

सागली पेठेमधी कोण बोलत किनी किनी

माझ्या हावशा बंधूजींनी दिली कचेरी हलवूनी ।

गावाला गेले म्हणू माझ्या गळ्याचा गळमणी

हावशा भ्रतार बाई माज्या कुंकवाचा धनी ।

सासर हो ग कसं नको सांगूस दारोदारी

कपाळीचं कुंकू नाही मिळत वारोवारी ।

Translation - भाषांतर
N/A

References : N/A
Last Updated : 2007-12-09T20:23:28.1130000

Comments | अभिप्राय

Comments written here will be public after appropriate moderation.
Like us on Facebook to send us a private message.

sexual maturation

  • Biol. लैंगिक परिपक्वन 
  • लैंगिक परिपक्वन 
RANDOM WORD

Did you know?

विविध पूजा अथवा होम प्रसंगी स्त्रीने पुरूषाच्या कोणत्या अंगास बसावे आणि हाताला हात कां लावावा?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.