TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ७६

ओवीगीते - संग्रह ७६

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

आम्ही चौघी भैनी एका रंगाच्या साडया नेसू

ऊंच पायरीवर बसू आम्ही थोरांच्या लेकी दिसू ।

माझ्या जीवाला भारी जड खडी साखर घोटयीना

बंधु उशाचा उठयीना पाणी डोळ्याचं तुटयीना ।

काय पाटच्या पार्‍यामंदी दिस उगवुनी दारी आला

येवढया हळदी कुंकवाला म्या का पदर पसरीला ।

सासू सासयीरा आंबा लावून दिला त्यांनी

बाळ माझ्याला दिली लेक आंबा उत्तम पाहूयीनी ।

उन्हाच्या रखामंदी गाडी जुंपली रेडयायाची

जोती सागर देवायांनी दिली दवड घोडयायाची ।

उन्हाळ्याचं ऊन काळ्या खडकाची होत लाही

हौवशा भ्रताराची गोर्‍यापणाची गत कायी ।

समोर सोप्यावर कुणी ठेवीला तांब्यापेला

बंधु वकील पाणी प्याला ।

उन्हाच्या रखामध्ये कुठं निघालं माझं सोनं

कवळ्या छातीला लागं ऊन घाम पुसीते पदरानं ।

वैराळ सादवितो ल्याग बायांनो नवी तर्‍हा

बंधु निजला जागा करा ।

वैराळ सादवितो, तो का सादवी वैल्यावेशी

बया राहिली परदेशी छंद सांगू मी कुणापाशी ।

बंधुजीचं बाळ माझं मला म्हणीतो आत्या आक्का

कडी घेऊनी घेते मुका ।

जोंधळ्या परायास वाढवते मी ग तूरी

लेका परायास लेक मला हाय प्यारी ।

थोरलं मोठं जातं मला बघून पळईतं

बयाचं दूध माझ्या मनगटी खेळईतं ।

कामामधी काम दळण अवघड

गाण्याच्या नादावर ओढावा दगड ।

माहेरच्या वाटे कोन चालतो तोलाचा

हौशा बंधू माझा हिरा झळके मोलाचा ।

बंधुजी पावईनं येताचं गाजतात

घोडीचं घासदाणं, माझ्या घंगाळी भिजतात ।

आला बंधूजी पावईना, माझ्या जावाल धगा धगा

शिंगी अवकाळ नवी जागा ।

पिवळी पितांबर मला पुशितो सारा गाव

सावळा बंधुराज म्यांग लुटीला बाजीराव ।

पिकलं उंबीयीरं सारा डोंगर दरवळतो

नटवा बंधु माजा पाड कशाचा विचारतो ।

तुज्या जीवासाठी जीव माझा हार्‍या हुर्‍या

का म्हणून सुकलास माझ्या शेतीच्या राजगीर्‍या ।

सारविल्या भींतीवर काढते चित्तार

बंधूचं बहिणीला आलया पत्तार ।

नदीच्या काठायाला बेट फुटतं उन्हाळ्याचं

माझ्या हुरद्यात फुलतं माह्यार जिव्हाळ्याचं ।

सुकमार माझी बाई का लागली रडायाला

कुण्या ग पापिय नं लाविली दळायाला ।

सासू का सासर्‍यानं धाकल्या ननंदेनं

लावली दळायाला थोरल्या जावेनं ।

वढना जड जातं हालना जड तळी

घामेजली माझी बाई फुलात चाफेकळी ।

Translation - भाषांतर
N/A

References : N/A
Last Updated : 2007-12-09T20:24:54.3370000

Comments | अभिप्राय

Comments written here will be public after appropriate moderation.
Like us on Facebook to send us a private message.

unlawful obstruction

  • पु. विधिबाह्य अडथळा 
RANDOM WORD

Did you know?

स्त्रिया पायात चांदीचे दागिने वापरतात, मग सोन्याचे कां नाही?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,450
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,879
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.