TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ६३

ओवीगीते - संग्रह ६३

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

भाऊ म्हणतो ताई नको धुऊ तू लुगडं

भावजई बोले नाही नदीला दगड ।

भाऊ म्हणतो बहिणीला तुम्ही नित यावं जावं

भावजई पुसे पाव्हनीचं कोन गाव ।

बाप म्हणे लेकी तू त गुलालाची गोणी

सोयर्‍याच्या घरी लोटीली केरावानी ।

नवरी पाहू आले सया म्हणती देऊ देऊ

बोलतो हिचा भाऊ दूर पल्ल्याला केव्हा जाऊ ।

सासरी जाती सया पाहती परसातून

प्राणसई माझी हरीण नेली कळपातून ।

सासरी जाती गुजरी वसरी भरली सयांची

प्राणसई माझी दूर पल्ल्याला जायाची ।

भ्रतार म्हणतो कुठं गेली देवांगना

प्राणसई माझी आली हसत अंगना ।

भ्रताराची खूण चाले खांबाच्या आडून

प्राणसई माझी द्यावी सुपारी फोडून ।

मावशी म्हणून धरीतो माझा घोळ

सांगते सयानो माझ्या बहिणीचा बाळ ।

माझ्या पोटीचा नाही शोभत माझा मला

सांगते बाळा तुला आई म्हण मावशीला ।

भरल्या बाजारी कंबरीचा सोड पसा

मैना माझी भरील चूडा तिच्या मना येईल तसा ।

भावाच्या बरोबरी भाचा बाळ मूळ आला

दारात उभा आत्या माहेराला चला ।

माझ्या ग बाप्पाजीनं बहू माझं बरं केलं

कुंकाचं नारळ रत्‍न माझ्या हाती दिलं ।

शेर सोनीयाचं कोन वागविती ओझं

कुंकू कपाळीचं नाजूक लेणं माझं ।

काय मी पुण्य केलं आईसारख्या सासूबाई

सोन्याच्या संपूष्टात पुजिली अंबाबाई ।

सासू मालनीचा पदर भिंगाचा

त्यांच्या पोटींचा चडा गुलाबी रंगाचा ।

परवा पुरुष माझ्या अंगणीची शिळा

आंघोळीला बस चुडया माझ्या तू घननीळा ।

गावाला गेला कुण्या माझ्या कुंकवाची चिरी

सावळी सुरत हिरव्या बनातीच्या खाली ।

आवूक मागते चुडयामागल्या कंगणीला

माझ्या कुंकवाच्या शिलेदाराच्या बहिणीला ।

काय करायाची दिरा भावांची पालखी

भ्रतारावाचून नार दिसती हलकी ।

नारायणा बाप्पा तुला मागत नाही काही

माझ्या जोडव्या कुंकवाला आऊक घाल लई ।

चांदण टिप्पूर चांदण्या जोगी रात

शेजच्या भरताराची देवा सारखी सोबत ।

स्वर्गीच्या देवा एक अर्ज माझा घ्यावा

माझ्या कपाळीचं कुंकू माझ्या जलमी जाऊ द्यावा ।

पाटानं जातं पाणी ऊसा संगट कर्दळीला

हावशा माझ्या कांतानं जाई लाविली वर्दळीला ।

भ्रताराचं राज्य मी ग लुटीते सोन्यावाटं

आजून पावतर नाही फिर्याद गेली कुठं ।

Translation - भाषांतर
N/A

References : N/A
Last Updated : 2007-12-09T20:24:25.6470000

Comments | अभिप्राय

Comments written here will be public after appropriate moderation.
Like us on Facebook to send us a private message.

fight

  • लढणे 
  • लढत देणे 
  • स्त्री. लढत 
  • battle 
RANDOM WORD

Did you know?

कोणतीही ही पूजा करण्याआधी संकल्प कां करावा?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,490
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,863
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.