TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ४५

ओवीगीते - संग्रह ४५

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

माहेरच्या वाटं कशाची कुजबुज

माझ्या ग मनामधी बंधुरायाचं हितगुज ।

माझा ग बंधुराया नाही पुसून गेला गावा

हुरहुर वाटे मना चैन पडेना माझ्या जिवा ।

पहाटेच्या पार्‍यामंदी वारं सुटलं थंडगार

बंधूच्या आठवणी मनी वाटते हुरहूर ।

बंधुजी घेतो चोळी भावज करीते पुढं पुढं

दोघांच्या विचारानं माझ्या चोळीला रंग चढं ।

आईबापांच्या माघारी लेक माहेराला गेली

भावज गुजरीनं तिला धर्मशाळा दाखविली ।

माहेरचं डोंगर मले दिसे निया निया

डोंगरातून नदी बाई वाहे खय खया ।

नदी काठावर आंबराई तुह्य बन

आंबराईमंधी बाई माहे माहेरधन ।

माह्या माहेराची वाट खारीक खोबर्‍याची वाटी

मह्या बापानं आंदन गाई देल्या मह्यासाठी ।

जाईन माहेरा माहेरचा डौल कसा

भावाआधी बोले भाचा आत्याबाई खाली बसा ।

जाइन माहेरा मले बसाया घोंगडी

पाया पडायाले भावजया चढाओढी ।

जाईन माहेरा माहेर भोगायाले

सर्जेरावाच्या कामिनी हाताखाले राबायाले ।

जाईन माहेरा बसीन पित्यापाशी

गोट ऐकीन हिताची इसवा देते काशी ।

जाईन माहेरा माहेरी मायबाई

डोईची घागर इसवा भावजय देई ।

जाईन माहेरा मले इसवा कशाचा

दारी पाळणा भाच्याचा झोका देईन सायासाचा ।

जन जाते जतराले मीत जाते माहेराले

दोन्ही माजे आईबाप काशी तिरथ पाह्याले ।

गादली मही डोकी केसाच्या झाल्या लटा

डोई इचरे मही माता पानी टाके मह्या पिता ।

माय तुझ्या घरी राज केलं लेकावानी

चरुभर पानी तिनं केलं लोकावानी ।

बापाजीच्या घरी राज केलं रावणाचं

नाही उचललं पुढलं ताट जेवणाचं ।

मायची ग मया शेजी करायाले गेली

लटकी साखर जोंधळ्या पाना आली ।

भूक लागली पोटाले तोंड घालू कोन्या जाळी

आईची माया माज्या करवंद झाली काळी ।

भूक लागली पोटाले धुंडू कोणता डोंगर

आई माजी यशवदा आहे पिकलं उंबर ।

Translation - भाषांतर
N/A

References : N/A
Last Updated : 2007-12-09T20:23:30.7770000

Comments | अभिप्राय

Comments written here will be public after appropriate moderation.
Like us on Facebook to send us a private message.

डागडुगी

  • स्त्री. नीट करणे ; मोडतोडीची दुरुस्ती ( गिलावा , रंगसफेती इ० ); मरामत . यंदा बंगल्याचे डागडुजीला शंभर रुपये लागले . [ डाग + फा . दोझ = शिवणे , टाके मारणे ] 
RANDOM WORD

Did you know?

Why the marriages are prohibited within same Gotra?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 644,289
  • Total Pages: 46,537
  • Hindi Pages: 4,555
  • Dictionaries: 44
  • Words in Dictionary: 302,181
  • Marathi Pages: 27,517
  • Tags: 2,685
  • English Pages: 234
  • Sanskrit Pages: 14,230
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.